عبدالرشید شکور بی بی سی اردو ڈاٹ کام، کراچی

	ٹیم کی حالیہ عمدہ کارکردگی کا سہرا انضمام کے سر ہے: نسیم اشرف

پی سی بی کے چیئرمین ڈاکٹر نسیم اشرف نے اتوار کو کراچی میں طویل اجلاس کے بعد اعلان کرتے ہوئے کہا کہ ٹیم کی حالیہ عمدہ کارکردگی کا سہرا انضمام الحق کے سر جاتا ہے۔

یاد رہے کہ پی سی بی نے انضمام الحق کو ویسٹ انڈیز کے خلاف ہوم سیریز تک کپتان مقرر کیا تھا۔

انضمام الحق اب تک28 ٹیسٹ میچوں میں پاکستانی کرکٹ ٹیم کی قیادت کرچکے ہیں، جن میں سے10 انہیں کامیابی اور 9 میں شکست ہوئی ہے۔ باقیماندہ 9 ٹیسٹ میچ بے نتیجہ رہے۔

انضمام الحق نےاب تک 82 ایک روزہ بین الاقوامی میچوں میں پاکستانی ٹیم کی قیادت کی کپتانی کی ہے، جن میں سے50 میں پاکستان فاتح رہا جبکہ 29 میں اسے شکست کا سامنا کرنا پڑا اور 3 میچ بے نتیجہ رہے۔

پی سی بی نے نائب کپتان یونس خان کو بھی ان کے عہدے پر برقرار رکھا ہے۔ اسی طرح کوچ باب وولمر اور منیجر طلعت علی بھی اپنی ذمہ داریاں نبھاتے رہیں گے۔