عبدالرشید شکور بی بی سی اردو ڈاٹ کام، کراچی

	انضمام الحق کی کپتانی کو خطرات لاحق ہو چکے ہیں: ماہرین

انضمام الحق کا ملاقات کے بعد کہنا تھا کہ کپتانی ’ایشو‘ نہیں ہے اور نہ ہی وہ کپتانی کے بارے میں پریشانی سے دوچار ہیں کیونکہ کپتانی آنی جانی چیز ہے۔

انضمام کا کہنا ہے کہ جو کچھ بھی ہوا اسے سیاست نہیں کہنا چاہئے لیکن یہ ضرور ہے کہ اس سے ٹیم کا مورال گرا ہے تاہم پاکستانی کھلاڑی اس طرح کی بحرانی صورتحال کا سامنا کرنے کے لیئے تیار رہتے ہیں۔

انضمام الحق نے، جنہیں آئی سی سی کی جانب سے چار ون ڈے انٹرنیشنل میچوں کی پابندی کا سامنا ہے، کہا ہے کہ انہیں بخوبی اندازہ تھا کہ اوول ٹیسٹ قضیئے کی ذمہ داری ان پر عائد ہوگی لیکن انہوں نے جو بھی فیصلہ کیا اس پر انہیں فخر ہے۔

انضمام الحق کے خیال میں پاکستانی ٹیم کے لیئے آئی سی سی چیمپئنز ٹرافی ایک سخت چیلنج ہے۔

پاکستانی ذرائع ابلاغ مستقبل قریب میں پاکستانی کرکٹ ٹیم کی قیادت میں تبدیلی کے امکانات ظاہر کر رہے ہیں اور ان کا کہنا ہے کہ انضمام الحق کے ستارے گردش میں آچکے ہیں۔

تاہم سنجیدہ حلقوں اور تجزیہ نگاروں کا کہنا ہے کہ دو سال سے اچھی کارکردگی کا مظاہرہ کرنے والی پاکستانی ٹیم میں اس مرحلے پر قیادت کی تبدیلی کے منفی اثرات برآمد ہوسکتے ہیں اور ورلڈ کپ میں پاکستانی ٹیم کی کارکردگی متاثر ہوسکتی ہے۔