عبدالرشید شکور بی بی سی اردو ڈاٹ کام، کراچی

	پاکستان کی طرف سے کوئی بھی کھلاڑی نامزد نہیں ہو سکا

بہترین کھلاڑی کے ایوارڈ کے لیئے آٹھ کھلاڑیوں کی نامزدگیاں ہوئی ہیں جن میں سپین کے پال ایمٹ، نیوزی لینڈ کے ریان آرچی بالڈ، جرمنی کے فلپ کرون، ہالینڈ کے ٹیون ڈی نوئر اور جیروئن ڈیلمی، آسٹریلیا کے اسٹیفن ماؤلیم اور برینٹ لیورمور اور جنوبی کوریا کے یونگ بی کم شامل ہیں۔ لیکن چار بار کی عالمی چیمپئن مگر حال کی مایوس کن کارکردگی سے دوچار پاکستانی ٹیم کا کوئی بھی کھلاڑی اس ایوارڈ کے لیئے نامزد نہیں ہوسکا ہے۔

سال کے بہترین کھلاڑی کے علاوہ ورلڈ کپ کے دوران بہترین نوجوان کھلاڑی کا ایوارڈ بھی دیا جائے گا اس سلسلے میں چھ کھلاڑیوں کی نامزدگیاں ہوئی ہیں۔ پاکستانی ٹیم کے شکیل عباسی ان چھ کھلاڑیوں میں جگہ بنانے میں کامیاب ہوگئے ہیں۔