شاہد آفریدی سیریز میں بڑا سکور نہیں کر سکے

انگلینڈ نے پاکستان کی 154 رنز کا جواب میں عمدہ آغاز کیا اور اس کی پہلی وکٹ تیئیس کے مجموعی سکور پر گری۔انچاس کے سکور انگلینڈ کی تین وکٹیں گر چکی تھیں۔

میچ کی تصاویر

تفصیلی سکور کارڈ

انگلینڈ کا سکور جب 102 رنز پر پہنچا تو شاہد آفریدی نے کیون پیٹرسن اور ڈیلرمپل کو ایک ہی اوور میں آؤٹ کر میچ کو دلچسپ بنا دیا۔عبدالرزاق نے دو وکٹیں حاصل کر کے پاکستان کی جیت کے امکانات پیدا کر دیئے لیکن انگلینڈ کے نوجوان کھلاڑی یارڈلے اور ساجد محمود نے انگلینڈ کو فتح سے ہمکنار کر دیا۔

اس سے پہلے پاکستان نے ایجبسٹن کے اس ایک روزہ میچ میں پچاس اووروں میں نو وکٹوں پر ایک سو چون رن بنائے تھے۔ پاکستان کی طرف سے یونس خان نے سب سے زیادہ سینتالیس رن بنائے۔ انگلینڈ نے ٹاس جیت کر پاکستان کو بیٹنگ کی دعوت دی تھی۔

انگلینڈ کی طرف سے ساجد محمود، ڈیلرمپل اور کالنگوڈ نے دو دو وکٹیں حاصل کیں۔ محمد حفیظ اور عمران فرحت نے بیٹنگ کا آغاز کیا اور انہوں نے ساڑھے بارہ اووروں میں پینتالیس رن بنائے جب عمران فرحت رن آؤٹ ہو گئے۔ اس کے بعد وقفے وقفے سے پاکستان کے کھلاڑی آؤٹ ہوتے گئے۔

تیسرے اوور میں ایک بال عمران فرحت کے بلے کو چھو کر وکٹوں کے پیچھے گئی لیکن وکٹ کیپر تک پہنچے سے پہلے ٹھپا کھا گئی اور اس سے اگلی گیند پہلی سلپ کے پاس سے گزرگئی۔

سیریز میں اب تک انگلینڈ نے ایک اور پاکستان نے دو میچ جیتے ہیں۔

انگلینڈ:
اینڈریو سٹراس، ایڈ جوائس، این بیل، کیون پیٹرسن، پال کالنگوڈ، جیمی ڈیلرمپل، مائیکل یارڈی، کرس ریڈ، ساجد محمود، جان لوئیس، سٹورٹ براڈ۔

پاکستان:
انضمام الحق، عمران فرحت، محمد حفیظ، یونس خان، محمد یوسف، عبدالرزاق، شاہد آفریدی، کامران اکمل، رانا نویدالحسن، محمد آصف، راؤ افتخار انجم۔