سٹیو ہارمیسن اولڈ ٹریفورڈ والی کارکردگی کا مظاہرہ نہ کر سکے۔

یونس خان اور محمد یوسف نے ایک سو چھیاسٹھ کی ناقابل شکست شراکت بنا کر ٹیم کا سکور 202 تک پہنچا دیا۔ محمد یوسف اکانوے کے سکور پر اور یونس خان چونسٹھ رنز پر ناٹ آؤٹ ہیں۔

تفصیلی سکور کارڈ کے لیئے کلک کریں

ہیڈنگلے: دوسرا دن، تصاویر

اس سے پہلے انگلینڈ کی ٹیم پانچ سو پندرہ رنز بنا کر آوٹ ہو گئی۔انگلینڈ کی ٹیم کو مضبوط پوزیشن میں لانے کا سہرا مڈل آرڈر بیٹسمین کیون پیٹرسن اور این بیل کے سر جنہوں نے سینچریاں سکور کیں۔ این بیل نے لارڈز ، اولڈ ٹریفورڈ کے بعد ہیڈنگلے کے میدان پر بھی سینچری سکور کر ڈالی۔

	عمر گل نے انگلینڈ کے پانچ کھلاڑی آؤٹ کیے۔

انگلینڈ کے لوئر آرڈر کے بیٹسمینوں نے عمدہ کھیل کا مظاہرہ کیا اور ٹیم کے سکور میں تیزی کے ساتھ قیمتی رنز کا اضافہ کیا۔ ساجد محمود اور سٹیو ہارمیسن نے بالترتیب چونتیس اور چھتیس رنز کا اضافہ کیا۔

پاکستان کی جانب سے عمر گل نے عمدہ بولنگ کرتے ہوئے انگلینڈ کے پانچ کھلاڑی آؤٹ کیے۔ محمد سمیع اور دانش کنیریا نے دو دو جبکہ شاہد نذیر نے ایک وکٹ حاصل کی۔

پاکستان کی ٹیم: انضمام الحق، یونس خان، محمد یوسف، سلمان بٹ، فیصل اقبال، کامران اکمل، توفیق عمر، شاہد نذیر، محمد سمیع، عمر گل، دانش کنیریا۔
انگلینڈ کی ٹیم: اینڈریو سٹراس، مارکس ٹریسکوتھک، الیسٹر کک، کیون پیٹرسن، این بیل، پال کالنگ وڈ، کرس ریڈ، سٹیو ہارمیسن، میتھیو ہوگارڈ، مونٹی پنیسر، ساجد محمود