’زیدان کا ردعمل نہایت توہین آمیز الفاظ کا نتیجہ تھا‘

زین الدین زیدان کے اس اقدام کے بعد ریفری نے انہیں ریڈ کارڈ دکھا کر میدان سے باہر بھیج دیا تھا۔

’میتاراتزی نے بدکلامی کی تھی‘

اتوار کو برلن میں فٹبال فائنل کے ایکسٹرا ٹائم کے دوران زیدان غصہ پر قابو کھو بیٹھے اور اٹلی کے ماتیرازی کے سینے میں اپنے سر سے ٹکر مار دی۔

اس واقعے کے بعد سے لوگ طرح طرح کی کہانیاں گھڑ رہے تھے کہ آخر ماتیرازی نے ایسا کیا کہا تھا جس نے زیدان کو ایسا اقدام اٹھانے پر مجبور کردیا۔

تاہم ماتیرازی نے اب اقراد کرلیا ہے کہ انہوں نے ایسی بات کہی تھی جو زیدان کے لیئے باعث توہین تھی اور اسی پر مشتعل ہوکر فرانسیسی کھلاڑی نے انہیں ٹکر ماری تھی۔

32 سالہ ماتیرازی نے ایک خبر رساں ایجنسی کو بتایا ہے کہ ’میں نے زیدان کی قمیض کچھ لمحوں کے لیئے پکڑی تھی جس کے بعد اس نے پلٹ کر مجھے نہایت غصے سے گھورا اور کہا اگر تمہیں واقعی میری قمیض چاہیئے تو میں تمہیں بعد میں دے دوں گا‘۔

’میں نے بھی غصہ میں جواب دیا اور ایسی بات کہہ دی جس نے زیدان کو مشتعل کردیا‘۔

	زیدان نے کہا تھا کہ وہ اس ٹورنامنٹ کے بعد ریٹائر ہوجائیں گے

لیکن ماتیرازی نے کہا کہ اس نے زیدان کو ایسی بات کہی تھی جو اکثر فٹبال کے میدانوں میں سنی اور نظر انداز کی جاتی ہے‘۔

ماتیرازی نے کہا : ’میں نے اسے دہشتگرد نہیں کہا تھا۔ مجھے تو یہ بھی نہیں معلوم کہ اسلامی دہشتگرد کہتے کسے ہیں۔ اور ماں کا رشتہ تو میرے لیئے بھی قابل احترام ہے‘۔

فرانس کی شکست اور پھر زیدان کو باہر نکالے جانے کے فیصلے سے فرانسیسی کھلاڑی کے کیریئر کاک اختتام بے مزہ ہوگیا۔

34 سالہ زیدان نے کہا تھا کہ وہ اس ٹورنامنٹ کے بعد ریٹائر ہوجائیں گے۔

زیدان نے ابھی تک اس واقعے پر بیان نہیں دیا ہے تاہم ان کے ایجنٹ نے کہا ہے کہ زیدان کا ردعمل ’نہایت توہین آمیز‘ الفاظ کا نتیجہ تھا۔