یوراج سنگھ نے شاندار سنچری سکور کی۔

تفصیلی سکور کارڈ

انڈیا بمقابلہ انگلینڈ، تصویریں

بھارت نے انگلینڈ کو میچ جیتنے کے لیے 295 رنز کا ہدف دیا جبکہ انگلینڈ کی ٹیم 245 رنز بنا کر آؤٹ ہو گئی۔

انگلینڈ کی طرف سے پال کولنگوڈ نے ترانوے رنز بنائے لیکن کوئی اس کے علاوہ کوئی دوسرا کھلاڑی بڑا سکور کرنے میں ناکام رہا۔

اس سے پہلے بھارت کی طرف سے یوراج سنگھ نے شاندار سنچری سکور کر کے اپنی ٹیم کو مضبوط پوزیشن میں لا کھڑا کیا۔

انڈیا کی اننگز کی خاص بات یوراج سنگھ کی عمدہ سینچری تھی۔ آل رونڈر سریش رائنا نے بھی نصف سینچری سکور کی۔

گوا کی سلو پچ پر انڈیا نے محتاط انداز میں کھیل شروع کیا۔وریندر سہواگ صرف پندرہ رنز بنا کر آؤٹ ہو گئے۔ کپتان ڈراوڈ نے عرفان پٹھان کے ساتھ مل کر اننگز کو سہارا دیا اور اٹھہتر رنز کی پارٹنرشپ قائم کی۔

راہول ڈراوڈ کے آؤٹ ہونے کے بعد انڈیا کی ٹیم دباؤ کا شکار ہو گئی اور محمد کیف اور عرفان پٹھان جلد ہی پویلین واپس پہنچ گئے۔اس کے بعد یوراج سنگھ نے سریش رائنا کے ساتھ ایک سو سے زیادہ رنز کی شراکت بنا کر ٹیم کو پوزیشن مضبوط بنا دی۔

انڈیا کی ٹیم نے گوتم گمبھیر کو اس میچ میں شامل نہیں کیا ہے۔انڈیا نے میڈیم فاسٹ بولر سری سانتھ کی جگہ اجیت اگارکر کو ٹیم میں شامل کیا ہے۔

بھارت کی ٹیم میں راہول ڈراوڈ (کپتان) وریندر سہواگ، یوراج سنگھ، محمد کیف، مہندر دھونی، سریش رائنا، عرفان پٹھان، اجیت اگارکر ہربھجن سنگھ، رمیش پوار اور موسی مناف پٹیل شامل ہیں۔

انگلینڈ کی ٹیم اینڈریو فلنٹاف ( کپتان) اینڈریو سٹراس، اویس شاہ، میتھیو پرائر، وکرم سولنگی، پال کالنگ وڈ، گیرئنٹ جونز، لیئم پلنکٹ، بلیک ویل، ساجد محمود اور جیمز اینڈرسن پر مشتمل ہے۔