 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
آسٹریلیا نےجنوبی افریقہ کو ہرا دیا | ||||||||||||||||||||||||||||||||||||||||
آسٹریلیا نے اتوار کو سڈنی میں کھیلےجانے والی وی بی سیریز کے گیارہویں میچ میں جنوبی افریقہ کو57 رنزسے ہرا دیا ہے۔ جنوبی افریقہ نے آسٹریلیا کے 344 رنز کے جواب میں چھ کھلاڑیوں کے نقصان پر مقررہ پچاس اوورز میں دو سو ستاسی (287) رنز بنائے۔ آسٹریلیانےٹاس جیت کرپہلے بیٹنگ کافیصلہ کیااور مقررہ پچاس اوورز میں چھ وکٹوں کے نقصان پر تین سو چوالیس رنز بنائے تھے۔آسٹریلیا کی اس سیریز میں یہ دوسری بڑی کامیابی ہے۔ آسٹریلیا کے بلے باز ایڈم گلکرسٹ نے اپنی اننگز کے دوران چھیاسٹھ گیندوں پر اٹھاسی رنز بنائے اور ٹیم کی فتح میں کلیدی کردار ادا کیا جبکہ ٹیم کے کپتان رکی پونٹنگ نے 72، مارٹن نے79 اور مائیکل ہسی نے سینتالیس رنز بنائے اور ناٹ آؤٹ رہے۔ اس کے جواب میں جنوبی افریقی کھلاڑی مارک باؤچر نے چھہتر رنز بنائے لیکن اس کے باوجود جنوبی افریقہ ہدف پورا کرنے میں کامیاب نہیں ہو سکا۔ اب اسے وی بی سیریز کے بیسٹ آف تھری فائنلز میں پہنچنے کے لیے منگل کو سری لنکا سے میچ جیتنا ضروری ہے۔
جنوبی افریقہ کی ٹیم اہم بالر شان پولاک کے بغیر کھیل رہی تھی۔ جنوبی افریقہ کو 344 رنز کےہدف کےتعاقب میں ابتداء ہی میں نقصان اٹھاناپڑا جب گراہم اسمتھ کا کیچ بریٹ لی کی گیند پر ایڈم گلکرسٹ نے پکڑا۔اس وقت جنوبی افریقہ کا سکور سات تھا۔ گبسن اور باؤچر نے تیسری وکٹ کی شراکت میں 53 رنز کا اضافہ کیا لیکن یہ دونوں کھلاڑی سمنڈز کی باؤلنگ کا نشانہ بنے۔ اس کے بعد جنوبی افریقہ کا کوئی بھی بلےباز آسٹریلوی باؤلنگ کامقابلہ نہیں کرسکا اور پوری ٹیم مقررہ پچاس اوورز میں چھ وکٹوں کے نقصان پر صرف 287رنز ہی بناسکی۔ آسٹریلیا کے فاسٹ بالر بریٹ لی اور ہوج نے ایک ایک جبکہ سمنڈز نے دو وکٹیں حاصل کیں۔ سیریز کے اگلے میچز میں سات فروری کو سری لنکا کا مقابلہ جنوبی افریقہ سے ہوگا۔ |  اسی بارے میں  آسٹریلیا 258 پر آؤٹ16 December, 2005 | کھیل آسٹریلیا مضبوط پوزیشن میں18 December, 2005 | کھیل آسٹریلیا کی 184 رنز سے فتح30 December, 2005 | کھیل جنوبی افریقہ نے آسٹریلیا کو ہرا دیا15 January, 2006 | کھیل آسٹریلیا نےسری لنکا کوہرا دیا26 January, 2006 | کھیل آسٹریلیا کی ایک اور کامیابی03 February, 2006 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
