آسٹریلیا نے 218 رنز کاہدف باآسانی حاصل کر لیا

سلو وکٹ پر آسٹریلیا نےسری لنکا کے دو سو اٹھارہ رنز کا ہدف صرف پانچ وکٹوں کے نقصان پر پورا کر لیا۔

سکور کارڈ

اس سے قبل سری لنکا نے آٹھ کھلاڑیوں کے نقصان پر پچاس اوورز میں دو سو اٹھارہ رنز بنائے تھے۔

آسٹریلیا کے اوپنگ بیسٹمین کاٹیج باون رنز کے ساتھ سر فہرست رہے اور وہ دلشان کی گیند پر سانگاکارا کے ہاتھوں کیچ آؤٹ ہوئے۔گلکرسٹ نے چونتیس رنز بنائے۔

ہوج صرف پانچ رنز ہی بنا سکے جبکہ مارٹن اور سمنڈز کو مرلی دھرن نے آؤٹ
کیا۔ کلارک اور مائکل ہسی ناٹ آؤٹ رہے۔

سری لنکا کے سپن بالر مرلی دھرن اور کلو سی کارا دو دو وکٹیں حاصل کرنے میں کامیاب ہو سکے۔

جہان مبارک سری لنکا کے سب سے زیادرہ سکور کرنے والے بیٹسمین رہے انہوں نے چونتیس رنز بنائے۔ جے سوریا اس میچ میں ٹانگ میں تکلیف کے باعث نہیں کھیل سکے۔

اس سے قبل سری لنکا کے خلاف آسٹریلیا کے بالروں اینڈریو سمنڈز، ناتھن بریکن اور بریڈ ہوگ نے انتہائی اہم وقت پر وکٹیں حاصل کیں۔

تھارنگا اور سانگاکارا بالترتیب اکتیس اور پچیس رنز ہی بنا سکے۔ تھارنگا کو میکگرا اور سانگاکارا کو ہوگ نے اپنی باؤلنگ کا نشانہ بنایا۔ جے وردنے اور اتاپتو دونوں بریکن کی گیندوں پر آؤٹ ہوئے۔

آسٹریلوی بالروں میں سمنڈز نے تین جبکہ بریکن نے دو وکٹیں حاصل کیں۔

آسٹریلیا کی ٹیم:
گلکرسٹ، ایس ایم کاٹیج، ہوج، مارٹن، سمنڈز، مائیکل ہسی، بی ہوگ، بریکن، میکگرا، کلارک اور بریٹ لی

سری لنکا کی ٹیم:
جہاں مبارک، تھارنگا، سانگا کارا، دلشان، اتاپتو، جے وردنے، آرنلڈ، واس، کلو سی کارا، گینیگان، مرلی دھرن اور بندارا۔