 | | | | | | | ||||||||||||||||||||||||||||||||||||||||
| | |||||||||||||||||||||||||||||||||||||||||||||
|
ورلڈ الیون پھر ہار گئی | |||||||||||||||||||||||||||||||||||||||||||||
سپر سیریز کے دوسرے ایک روزہ میچ میں آسٹریلیا نے ورلڈ الیون کو پچپن رن سے شکست دے دی۔ ورلڈ الیون 329 رن کے ہدف کے تعاقب میں چھیالیسویں اوور میں 273 رن پر آؤٹ ہو گئی۔ ورلڈ الیون کی طرف سے سنگاکارا اور کرس گیل نے نصف سنچریاں سکور کیں۔ سنگاکارا نےاکسٹھ رن بنائے جبکہ کرس گیل چوّن رن بنا کر آؤٹ ہوئے۔ آسٹریلیا کی طرف سے نیتھن بریکن نے تین کھلاڑی آؤٹ کیے جبکہ دو کھلاڑی رن آؤٹ ہوئے۔ سٹورٹ کلارک نے بھی دو وکٹیں لیں۔ ورلڈ الیون کے آؤٹ ہونے والے پہلے کھلاڑی وریندر سہواگ تھے جو 21 رن بنا کر بریٹ لی کی گیند پر آوٹ ہوئے۔ ورلڈ الیون کی جانب سے کرس گیل اور سنگاکارا نے نصف سنچریاں بنائیں۔ وہ 54 رن بنا کر شین واٹسن کی گیند پر آؤٹ ہوئے۔ سنگاکارا اور کیلس رن آؤٹ ہوئے جبکہ لارا ایک مرتبہ پھر ناکام رہے اور صرف 5 رن بنا کر ناتھن بریکن کی گیند پر سائمنڈز کے ہاتھوں کیچ آؤٹ ہوئے۔ فلنٹاف 42 رن بنا کر بریکن کا دوسرا شکار بنے۔ اس سے قبل آسٹریلوی ٹیم نےمقررہ پچاس اوور میں چار وکٹوں کے نقصان پر تین سو اٹھائیس رن بنائے۔ آسٹریلیا کے جانب سے وکٹ کیپر ایڈم گلکرسٹ نے شاندار سنچری سکور کی۔ آسٹریلوی کپتان رکی پونٹنگ نے لگاتار دوسری مرتبہ ٹاس جیت کر پہلے کھیلنے کا فیصلہ کیا اور آسٹریلیا کے افتتاحی بلے بازوں نے ان کا یہ فیصلہ درست کر دکھایا اور پہلی وکٹ کے لیے ایک سو دس رن کی شراکت قائم کی۔ اس موقع پر مرلی دھرن نے سائمن کیٹچ کو سنتالیس کے انفرادی سکور پر بولڈ کر دیا۔ آسٹریلیا کی دوسری وکٹ 173 کے مجموعی سکور پر گری جب ایڈم گلکرسٹ 79 گیندوں پر 103 رن بنا کر سہواگ کی گیند پر آؤٹ ہوئے۔
پونٹنگ نے 66 رن بنائے، انہیں فلنٹاف نے رن آؤٹ کیا۔ ڈیمین مارٹن 54 رن بنا کر فلنٹاف کی ہی گیند پر بولڈ ہوئے۔ مائیکل کلارک 17 جبکہ اینڈریو سائمنڈز صرف پندرہ گیندوں پر 31 رن بناکر ناٹ آؤٹ رہے۔ آسٹریلوی بلے بازوں نے ورلڈ الیون کے بالروں کی جم کر پٹائی کی اور چھ اعشایہ پانچ رن فی اوور کی اوسط سے رن بنائے۔ ورلڈ الیون کی طرف سے مرلی دھرن نے تنتالیس رن دے کر جبکہ وریندر سہواگ اور فلنٹاف نے بالترتیب بیس اور چونسٹھ رن کے عوض ایک ایک وکٹ حاصل کی ہے۔ ورلڈ الیون نے اپنی ٹیم میں ایک تبدیلی کی اور متبادل کھلاڑی کے طور پر شاہد آفریدی کی جگہ ویسٹ انڈیز کے کرس گیل کو ٹیم میں شامل کیا گیا ہے۔ سپر سیریز کے پہلے ایک روزہ میچ میں آسٹریلیا نے ورلڈ الیون کو ترانوے رن سے شکست دی تھی۔ آسٹریلیا کی ٹیم: رکی پونٹنگ (کپتان)، ایڈم گلکرسٹ، ڈیمئن مارٹن، مائیکل ہسے، مائیکل کلارک، شین واٹسن، اینڈریو سمنڈز، کیمرون وائٹ، بریٹ لی، گلین میگرا، ناتھن بریکن۔ ورلڈ الیون: شان پولاک (کپتان)، وریندر سہواگ، کمار سنگاکارا، راہول ڈراوڈ، ژاک کیلس، برائن لارا، کیون پیٹرسن، اینڈریو فلنٹوف، ڈینئل ویٹوری، شعیب اختر اور کرس گیل۔ | 
| |||||||||||||||||||||||||||||||||||||||||||||
| ||||||||||||||||||||||||||||||||||||||||||||||
| ||||||||||||||||||||||||||||||||||||||||||||||
یہ صفحہ دوست کو ای میل کیجیئے
پرِنٹ کریں
