عبدالرشید شکور بی بی سی اردو ڈاٹ کام، کراچی

ہاکی سپر لیگ میں کئی بھارتی کھلاڑی بھی شریک ہیں

پہلے میچ میں بلوچ لائنز نے سندھ قلندر کو دو کے مقابلے میں تین گول سے ہرادیا۔ فاتح ٹیم کے کپتان شکیل عباسی مین آف دی میچ قرار پائے۔

دوسرے میچ میں گول کیپر سلمان اکبر کے عمدہ کھیل سے ہمت پا کر شانِ پنجاب نے فرنٹیئر فالکنز کو ایک کے مقابلے میں چار گول سے شکست دے دی۔

سپر ہاکی لیگ میں چھ ٹیمیں حصہ لے رہی ہیں۔ یہ مقابلے اٹھارہ ستمبر تک جاری رہیں گے۔ ہر میچ میں ساڑھے سترہ منٹ کے چار ہاف رکھے گئے ہیں اور ہر میچ کو فیصلہ کن بنایا جائے گا۔

اس کا تعلق شاید تماشایوں کے لیے غیر معیاری انتطامات سے تھا۔ پریس گیلری میں بولٹ نکلی کرسیاں صحافیوں کا منہ چڑارہی تھیں تواسکور بتانے والا ڈیجیٹل بورڈ گھڑی سے محروم تھا ۔ لائٹس ٹاورز کے متعدد بلب روشن نہیں ہوسکے تھے اور اسٹیڈیم میں فوڈ اسٹریٹ کے نام سے بنائے گئے کھانے پینے کے اسٹالز میں سے بیشتر خالی پڑے تھے۔ ان خامیوں کو دور کرکے ہی پاکستان ہاکی فیڈریشن اس لیگ کو کامیاب بناسکے گی۔

سپر ہاکی لیگ میں چھ ٹیمیں حصہ لے رہی ہیں۔ یہ مقابلے اٹھارہ ستمبر تک جاری رہیں گے۔ ہر میچ میں ساڑھے سترہ منٹ کے چار ہاف رکھے گئے ہیں اور ہر میچ کو فیصلہ کن بنایا جائے گا۔ سب سے زیادہ پوائنٹس حاصل کرنے والی دو ٹیمیں فائنل میں مدِ مقابل ہونگی۔ پاکستان ہاکی فیڈریشن نے سپر لیگ کے لیے ساٹھ لاکھ روپے کی مجموعی انعامی رقم رکھی ہے۔