عبدالرشید شکور
بی بی سی اردو ڈاٹ کام، کراچی |  |
|  انضمام الحق کے نائب بھارتی کپتان راہول ڈراوڈ ہونگے |
پاکستانی کرکٹ ٹیم کے کپتان انضمام الحق اس سال نہ صرف یہ کہ شاندار بیٹنگ کامظاہرہ کر رہے ہیں بلکہ بحیثیت کپتان بھی بے حد کامیاب رہے ہیں۔ اور یہ اسی کا انعام ہے کہ انہیں افریقن الیون کے خلاف ہونے والے تین ون ڈے میچوں کے لیے ایشین الیون کا کپتان مقرر کردیا گیا ہے۔ افروایشین کپ کے لیے ہونے والے یہ تین میچ سترہ اگست کو سنچورین اور بیس اور اکیس اگست کو ڈربن میں کھیلے جائیں گے۔ ماجد خان، گریم لبرائے، روی شاستری اور شفیق الحق پر مشتمل سلیکشن کمیٹی نے بھارتی کپتان راہول ڈراوڈ کو نائب کپتان بنانے کے ساتھ ساتھ پندرہ رکنی ٹیم کو بھی حتمی شکل دے دی ہے جس میں چھ پاکستانی کھلاڑی انضمام الحق، یوسف یوحنا، شعیب اختر، شاہد آفریدی، رانانویدالحسن اور عبدالرزاق شامل ہیں۔ بھارت اور سری لنکا کے چار چار کرکٹرز راہول ڈراوڈ، وریندرسہواگ، عرفان پٹھان، سنتھ جےسوریا، چمندا واس اور مرلی دھرن نے ٹیم میں جگہ بنائی ہے۔ بنگلہ دیش کے واحد کھلاڑی محمد اشرفل سلیکٹرز کا اعتماد حاصل کرنے میں کامیاب ہوسکے ہیں۔ | 
یہ صفحہ دوست کو ای میل کیجیئے
پرِنٹ کریں
