عبدالرشید شکور بی بی سی اردو ڈاٹ کام، کولکتہ

ہربھجن کے بالنگ ایکشن پر پہلی بھی اعتراض ہو چکا ہے

کرس براڈ کا کہنا ہے کہ ہربھجن سنگھ جب ’دوسرا‘ کراتے ہیں تو باقی گیندوں کے مقابلے میں ان کا ایکشن تبدیل ہوجاتا ہے۔

ہربھجن سنگھ آئی سی سی کی جانب سے یکم مارچ سے نافذ کیےگئے مشکوک بولنگ ایکشن کے نئے قانون کی زد میں آنے والے پہلے بولر ہیں۔ انہیں اکیس دن میں اسے درست کرنا ہوگا لیکن انہیں انٹرنیشنل کرکٹ کھیلنے کی اجازت ہوگی۔

دلچسپ بات یہ ہے کہ ہربھجن گزشتہ سال بنگلہ دیش کے خلاف چٹاگانگ ٹیسٹ کے دوران بھی مشکوک بولنگ ایکشن کی زد میں آئے تھے اس ٹیسٹ میں بھی میچ ریفری کرس براڈ تھے۔

ہربھجن سنگھ کے بولنگ ایکشن پر پہلی مرتبہ1998 میں اعتراض کیا گیا تھا جس کے بعد وہ کلیئر ہوگئے تھے۔

کرس براڈ سری لنکن آف اسپنر مرلی دھرن کی مشہور دوسرا گیند پر بھی اعتراض کرچکے ہیں جس کے بعد سے مرلی کو دوسرا کرانے کی اجازت نہیں ہے۔