بنگلہ دیش کے کھلاڑی ٹیسٹ میں پہلی فتح پر خوشی کا اظہار کر رہے ہیں۔

بنگلہ دیش کو ٹیسٹ کرکٹ میں پہلی فتح کے لیے پینتیس ٹیسٹ تک انتظار کرنا پڑا۔

اس سے پہلے ہونے والے چونتیس ٹیسٹوں میں سے اکتیس ٹیسٹوں میں اس کو شکست کا سامنا کرنا پڑا جبکہ تین برابری پر ختم ہوئے۔

بنگلہ دیش میں پہلی فتح پر ملک میں جشن منایا جا رہا ہے۔فاسٹ بولر مشرفی مرتضی نے جوں زمبابوے کے کھلاڑی چگنبورہ کو آؤٹ کیا تو اس کے ساتھ ہی سٹیڈیم کے باہر ہزاروں لوگوں نے خوشی سے نعرے لگانے شروع کر دیئےاور شہر کی سڑکوں پر خوشیں منانی شروع کر دی۔

چٹاگانگ میں ہونے والے میچ میں بنگلہ دیش نے پہلی اننگز میں 488 رنز بنائے جس میں حبیب البشر نے چورانوے رنز کی شاندار اننگز کھیلی جبکہ راجن صالح نےاننانوے رنز کی مفید اننگز کھیلی۔

زمبابوے کی ٹیم اپنی پہلی اننگز میں تین سو بارہ رنز بنانے میں کامیاب ہوئی جس میں کپتان تاتیندا تیبو کے شاندار بانوے رنز بھی شامل تھے۔ زمبابوے کے پانچ کھلاڑی چھیاسی رنز پر آؤٹ ہو چکے تھے۔

بنگلہ دیش نےدوسری اننگز میں 204 رنز بنا کر اننگز ڈیکلیئر کر دی اور زمبابوے کو جیتنے کے لیے 381 رنز کا حدف دیا۔

زمبابوے اپنی دوسری اننگز میں صرف 154 رنز بنا کر آؤٹ ہو گئی اور اس طرح بنگلہ دیش نے 226 رنز سے فتح حاصل کر لی۔

بنگلہ دیش کی فتح میں سپنر انعام الحق جونیئر نے اہم کردار ادا کیا اور دوسری اننگز میں چھ وکٹیں حاصل کیں۔