بھارت چیمپیئنز ٹرافی کے فائنل میں پہنچ گیا
انگلینڈ اور ویلز میں کھیلی جا رہی آئی سی سی چیمپیئنز ٹرافی کے دوسرے سیمی فائنل میں بھارت نے سری لنکا کو آٹھ وکٹوں سے شکست دے دی ہے۔
فائنل میں بھارت اور انگلینڈ مدمقابل ہوں گے۔
سری لنکا نے مقررہ 50 اوورز میں 8 وکٹوں کے نقصان پر 181 رنز بنائے تھے اور جواب میں بھارت نے35 اوورز میں دو وکٹوں کے نقصان پر 182 رنز کا ہدف حاصل کر لیا۔
<link type="page"><caption> میچ کا تفصیلی سکور کارڈ</caption><url href="http://www.bbc.co.uk/sport/cricket/scorecard/87862" platform="highweb"/></link>
بھارت کی جانب سے شرما اور دھاون نے اننگ شروع کی اور دونوں کے درمیان 77 رنز کی شراکت ہوئی۔
77 کے مجموعی سکور پر شرما 33 رنز بنا کر آؤٹ ہو گئے اور اس کے بعد دھاون 142 کے سکور پر 68 رنز بنا کر آؤٹ ہو گئے۔
کوہلی 58 اور رائنا سات رنز بنا کر ناٹ آؤٹ رہے۔سری لنکا کی جانب سے میتھیو اور مینڈس نے ایک ایک وکٹ حاصل کی۔ بھارت کے شرما تین وکٹیں حاصل کرنے اور 33 رنز سکور کرنے پر مین آف دی میچ رہے۔
اس سے پہلے سری لنکا کی جانب سے دلشان اور پریرا نے اننگز کا آغاز کیا۔سری لنکا کی جانب سے میتھوز نے 1 چوکے اور 1 چھکے کی مدد سے 51 رنز بنائے۔
سری لنکا کے دوسرے نمایاں بلے باز جے وردھنے رہے، انھوں نے 3 چوکوں کی مدد سے 38 رنز بنائے۔
بھارت کی جانب سے ایشانت شرما نے 3، ایشون نے 3 جبکہ جدیجہ اور بھونیشور کمارنے 1، 1 کھلاڑی کو آؤٹ کیا۔
اس سے پہلے بھارت نے گروپ بی کے پہلے میچ میں جنوبی افریقہ کو 26 رنز سے، دوسرے میچ میں ویسٹ انڈیز کو 8 وکٹوں سے جبکہ تیسرے میچ میں پاکستان کو بھی 8 وکٹوں سے شکست دی تھی۔
سری لنکا کو گروپ اے کے پہلے میچ میں شکست کا سامنا کرنا پڑا تھا، اس میچ میں نیوزی لینڈ نے سری لنکا کو ایک وکٹ سے ہرایا تھا۔
دوسرے میچ میں سری لنکا نے انگلینڈ کو 7 وکٹوں سے جبکہ تیسرے میچ میں سری لنکا کو 20 رنز سے ہرا کر سیمی فائنل کے لیے کوالیفائی کیا تھا۔
