’ریورس سوئنگ اور فاسٹ بولنگ کے علاوہ پاکستان سے کچھ چاہیے تو بتائیں‘
،تصویر کا ذریعہAFP
پاکستانی فاسٹ بولر وہاب ریاض انگلش کاؤنٹی ڈربی شائر کی نمائندگی کرتے ہوئے رواں سال ٹی 20 بلاسٹ ٹورنامنٹ کے دس میچ کھیلیں گے۔
اس بارے میں وہاب ریاض نے ٹوئٹر پر اپنے پیغام میں ڈربی شائر کا شکریہ ادا کرتے ہوئے کہا کہ وہ بلاسٹ ٹورنامنٹ میں اپنا کردار ادا کرنے کے منتظر ہیں اور اگر ’آپ کو ریورس سوئنگ اور تیز رفتار بولنگ کے علاوہ پاکستان سے کچھ چاہیے تو بتائیں۔‘
خیال رہے کہ پاکستان کی قومی کرکٹ ٹیم بھی آئرلینڈ اور انگلینڈ کے خلاف ٹیسٹ میچوں کے لیے آئرلینڈ اور انگلینڈ کا دورہ کر رہی ہے اور وہاب ریاض پاکستانی سکواڈ کا حصہ نہیں ہیں۔
ڈربی شائر کے کرکٹ مشیر کم برنیٹ کا کہنا ہے کہ 'وہاب ریاض ایک تیز اور اعلیٰ معیار کے فاسٹ بولر ہیں جس کی وجہ ہماری مہم کو تجربہ کاری کی دولت حاصل ہوگی۔'
ڈربی شائر کی نمائندگی کرنے والے جنوبی افریقن فاسٹ بولر ہارڈس ولیون نے بھی وہاب ریاض کی ڈربی شائر میں شمولیت کو 'زبردست' خبر قرار دیا ہے اور انھوں نے کہا کہ وہ 'اپنی نشستوں پر سنبھل کر بیٹھیں راکٹ آپ کی جانب آ رہے ہیں۔ پاکستان زندہ باد۔'
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
واضح رہے کہ وہاب ریاض کو قومی ٹیسٹ سکواڈ میں شامل نہ کرنے پر مین سٹریم اور سوشل میڈیا پر اس فیصلے کے خلاف خفتگی کا اظہار بھی کیا گیا تھا۔
وہاب ریاض اب تک 67 ٹی 20 میچوں میں 21.22 کی اوسط سے 197 وکٹیں حاصل کر چکے ہیں جبکہ اس سے قبل وہ ٹی 20 بلاسٹ میں ایسیکس، کینٹ اور سرے کی نمائندگی بھی کر چکے ہیں۔
وہ اپنا پہلا میچ چھ جولائی کو لنکاشائر لائٹننگ کے خلاف اور آخری میچ تین اگست کو برمنگھم بیئرز کے خلاف کھیلیں گے۔
End of سب سے زیادہ پڑھی جانے والی
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
دوسری جانب انڈین کرکٹ کپتان وراٹ کوہلی نے بھی سرے کاؤنٹی کے ساتھ معاہدہ کر لیا ہے۔
29 سالہ وراٹ کوہلی تین کاؤنٹی چیمپیئن شپ میچوں اور کم از کم تین ون ڈے کپ میچوں میں سرے کی نمائندگی کریں گے۔
جون میں کاؤنٹی کرکٹ کے باعث وراٹ کوہلی افغانستان کے خلاف پہلا ٹیسٹ میچ بھی نہیں کھیلیں گے۔
