راجکوٹ ٹیسٹ میں پجارا اور مرلی کی سنچریاں
،تصویر کا ذریعہAP
راجکوٹ میں کھیلے جانے والے پہلے ٹیسٹ میچ کے تیسرے دن انڈیا نے انگلینڈ کے خلاف چیتیشور پجارا اور مرلی وجے کی سنچریوں کی بدولت 253 رنز بنا لیے ہیں۔
اس وقت کریز پر چیتیشور پجارا اور مرلی وجے موجود ہیں اور دونوں نے بالترتیب 105 اور 103 رنز بنائے ہیں۔
چیتیشور پجارا اور مرلی وجے نے دوسری وکٹ کی شراکت میں اب تک 190 رنز بنائے ہیں۔
میزبان ٹیم کو مہمان ٹیم کی برتری ختم کرنے کے لیے مزید 293 رنز کی ضرورت ہیں اور پہلی اننگز میں اس کی نو وکٹیں باقی ہیں۔
انڈیا کی جانب سے مرلی وجے اور گوتم گمبھیر نے تیسرے دن کے کھیل کا آغاز کیا۔
End of سب سے زیادہ پڑھی جانے والی
68 رنز کے مجموعی سکور پر انڈیا کو پہلا نقصان اس وقت اٹھانا پڑا جب گوتم گمبھیر 29 رنز بنا کر کرس براڈ کی گیند پر آؤٹ ہوئے۔
اس سے قبل انگلینڈ کی پوری ٹیم اپنی پہلی اننگز میں 537 رنز بنا کر آؤٹ ہوگئی تھی۔
مہمان ٹیم کی جانب سے جو روٹ، معین علی اور بین سٹوکس نے عمدہ کھیل پیش کرتے ہوئے سنچریاں سکور کیں۔
جو روٹ 124، معین علی 117 اور بین سٹوکس 128 رنز بنا کر آؤٹ ہوئے۔
انڈیا کی جانب سے رویندرا جدیجا نے تین، ایشون، محمد شامی اور اومیش یادوو نے دو، دو اور امت مشرا نے ایک کھلاڑی کو آؤٹ کیا۔
بدھ کو شروع ہونے والے پہلے ٹیسٹ میچ میں انگلینڈ نے ٹاس جیت کر پہلے بیٹنگ کا فیصلہ کیا تھا۔
