مینڈک عمر میں اضافے کے ساتھ ستائیس سنٹی میٹر سے سکڑ کر چار سنٹی میٹر کا ہو جاتا ہے

ماہرین کے مطابق اس مینڈک سے حاصل ہونے والا مواد انسولین پیدا کرنے میں مددگار ہو سکتا ہے۔ ذیابیطس، برطانیہ نامی تنظیم کی سالانہ کانفرنس میں بتایا گیا کہ مینڈک سے حاصل ہونے والے مواد سے نئی ادویات بن سکتی ہیں۔

برطانیہ میں تقریباً بیس لاکھ لوگ ذیابیطس کی ٹائپ ٹو کا شکار ہیں۔ اس بیماری کی وجہ جسم میں ضروری مقدار میں انسولین پیدا کرنے کی صلاحیت نہ ہونا یا انسولین کا غیر مؤثر ہونا ہے۔ اس بیماری کا عام طور پر موٹاپے سے بھی تعلق جوڑا جاتا ہے۔

ذیابیطس برطانیہ کے چیف ایگزیکیٹو ڈگلس سمالوُڈ نے کہا کہ ٹائپ ٹو پر مناسب خوراک اور ورزش سے قابو پایا جا سکتا ہے لیکن اسے مکمل طور پر کنٹرول میں لانے کے لیے ادویات کی ضرورت پڑ سکتی ہے۔