خراب موسم کے سبب شٹل زمین پر نہیں اتر سکی

بین الاقوامی خلائی سٹیشن میں مشکلات سے دو چارمشن ختم ہونے کے بعد جعرات کو فلوریڈا میں خراب موسم کے سبب شٹل زمین پر نہیں اتر سکی۔

ایٹلانٹس تیرہ دن خلائی سٹیشن میں رہا اور خلاء بازوں کا زیادہ وقت ان کمپیوٹروں کوٹھیک کرنے میں گزرا جو خلائی سٹیشن کا سارا نظام چلاتے ہیں۔

خلاءبازوں کو خلاء میں بھی نکل کر شٹل کے باہری حصے کی مرمت کرنی پڑی۔

جمعہ کو شٹل کےپاس فلوریڈا کےکینڈی خلائی سینٹر میں اترنے کے دو موقع ہونگے پہلا موقع برطانوی وقت کےمطابق ایک بجکر اٹھارہ منٹ پر ہے۔

اگر بارش ہوتی رہی تو کیلیفورنیا میں بھی شٹل کو اتارہ جا سکتا ہے۔

شٹل کے پاس اتنا ایندھن اور سپلائی موجود ہے اور یہ اتوار تک خلاء میں رہ سکتا ہے۔