جیفری ہیرسن کرائیو بنک کا ہفتے میں دو دفعہ چکر لگا کر ماہانہ چار سو ڈالر معاوضہ لیا کرتے تھے

پچاس سالہ جیفری ہیرسن نے اخبار نیو یارک ٹائمز میں پڑھا کہ دو لڑکیاں ’ڈونر 150‘ کو تلاش کر رہی ہیں۔ ڈونر 150 ہیرسن کے تخموں کو کرائیو بنک کی طرف سے دیا گیا نمبر تھا۔

ابتداء میں وہ سامنے آنے سے اجتناب کر رہے تھے۔ ان کو پریشانی تھی کہ بیٹیاں ان کی سادہ زندگی کے بارے میں کیا سوچیں گی۔

لیکن ملاقات کے بعد ایک بیٹی سترہ سالہ ڈینیلی پگانو کا کہنا تھا وہ ایک ’آزاد روح‘ ہیں۔

انیس سو اسی کی دہائی میں جیفری ہیرسن کرائیو بنک کا ہفتے میں دو دفعہ چکر لگا کر ماہانہ چار سو ڈالر معاوضہ لیا کرتے تھے۔

ان کے سپرم کی بہت مانگ تھی جس کے بارے میں لکھا گیا تھا کہ اس سپرم کا تعلق نیلی آنکھوں والے ایک وجیہ شخص سے ہے جو فنون لطیفہ کا دلدادہ ہے

وہ اپنے چار کتوں کے ساتھ کیلیفورنیا کے نزدیکی علاقے وینس میں ایک ’موٹر ہوم‘ میں رہتے ہیں اور چھوٹے موٹے کام کر کے گزر بسر کرتے ہیں۔ لیکن اس کے باوجود ان کے سپرم کی بہت مانگ تھی جس کے بارے میں لکھا گیا تھا کہ اس سپرم کا تعلق نیلی آنکھوں والے ایک وجیہ شخص سے ہے جو فنون لطیفہ کا دلدادہ ہے۔

بیٹیوں کو ملنے کے فیصلے بارے جیفری ہیرسن کا کہنا تھا ’میں نے سوچا زندگی بہت مختصر ہے اور ان بچوں کو زندگی کا کوئی مقصد چاہیے‘۔

ڈینیلی کا کہنا تھا ’مجھے اس کی کوئی پرواہ نہیں کہ وہ کیا کرتے ہیں، میں نے تو ان کے کتوں سے بات کرنی تھی‘۔

ڈینیلی پچھلے تین روز سے روزانہ اپنے ’دریافت‘ ہونے والے باپ سے ٹیلی فون پر گھنٹوں بات کرتی ہیں۔