موسمی تبدیلی کے باعث 2005 میں جنوبی چین سیلاب سے متاثر ہوا تھا

سیوک ایکسچینج سٹڈی نامی اس تھینک ٹینک نے اپنی رپورٹ میں کہا ہے کہ موسمی تبدیلی کے ساتھ پانی کی سطح میں معمولی اضافہ سے ڈیلٹا کے نشیبی علاقوں میں سیلاب کا باعث بن سکتا ہے۔

جنوبی چین میں دریائے پرل کا ڈیلٹا ایک اہم پیداواری اور تجارتی علاقہ ہے۔ رپورٹ میں کہا گیا ہے کہ اس طرح کے سیلاب کے اثرات پوری دنیا پر پڑیں گے۔

یہ رپورٹ ایک لمبے عرصے تک ہونے والی پانی کی سطح میں تبدیلی کے بارے میں ہے جس میں اس بات کا بھی تجزیہ کیا گیا ہے کہ اگر ایک یا دو دہائیوں کے دوران طوفانوں کے ساتھ پانی کی سطح میں بھی اضافہ ہو جائے تو اس کے کیا اثرات مرتب ہوں گے۔

رپورٹ میں کہا گیا ہے کہ علاقے میں آنے والے سیلاب سے ہانگ کانگ اور ڈیلٹا میں تجارتی اور اہم صنعتی ادارے بند ہو جائیں گے۔

بین الااقوامی سطح پر اگر اس علاقے کی اہمیت کو دیکھا جائے تو یہ کہا جا سکتا ہے کہ اس کے اثرات سے پوری دنیا متاثر ہو گی۔

ہانگ کانگ کا اہم بنیادی ڈھانچہ جس میں بندرگاہیں، بجلی اور نظامِ نکاسی شامل ہیں کام کرنا بند کر دیں گے۔

اس رپورٹ کو الیگزینڈرہ ٹریسی نے مرتب کیا ہے اور ان کا کہنا ہے پالیساں مرتب کرنے والوں کو اس بات پر توجہ دینی چاہیے کہ ساحلوں پر کیے گئے حفاظتی انتظامات کو بہتر کیسے بنایا جائے۔

ان کا کہنا ہے کہ سائنسدانوں کے اندازے کے مطابق آہندہ بیس برسوں میں سمندر کی سطح میں تیس سینٹی میٹر کا اضافہ ہونے کا امکان ہے اور یہ اضافہ طوفانوں اور بارشوں کی وجہ سے سیلابوں کا باعث بنے گا۔