موبائل فون کی انڈسٹری برطانیہ میں 13 ارب پاؤنڈ ہے

یونیورسٹی آف شیفورڈ سے تعلق رکھنے والے ڈاکٹر ڈیوڈ شیفلڈ نے موبائل فون کا استعمال کرنے والے 106 لوگوں کا مشائدہ کیا اور ان میں سے سولا فیصد افراد کو اس مسئلے کا شکار پایا۔

ایک الگ تحقیق میں جو کہ ایسسکس میں ہونے والی ایک کانفرنس میں پیش کی جائے گی ڈاکٹر ڈیوڈ شیفلڈ نے یہ دیکھا ہے کہ وہ لوگ جنھوں نے موبائل فون کا استعمال ترک کر دیا ہے ان کا بلڈ پریشر (خون کا فشار) ان لوگوں سے کم ہے جو کہ اس کا استعمال جاری رکھے ہوئے ہیں۔

لیکن آپریٹرز کا کہنا ہے کہ موبائل فون کو ایک آزادی کی علامت کے طور پر بھی دیکھنا چاہیے۔

تحقیق کاروں نے ایسے طلباء سے جو کہ موبائل فون رکھتے ہیں مختلف سوال اس بارے میں کیے کہ وہ اپنے فون کا استعمال کیسے کرتے ہیں۔

ان میں سے سولہ فیصد طلباء ایسے تھے جو کہ طبیت میں جنجھلاہٹ کا شکار پائے گئے۔یہ طلباء اس بارے میں جھوٹ بولتے ہیں کہ وہ اپنے موبائل فون کا استعمال کتنا کرتے ہیں اور کیا وہ جنجھلاہٹ کا شکار اس کے زیادہ استعمال سے ہوتے ہیں یا اس کے استعمال کے بعد۔

ڈاکٹر ڈیوڈ شیفلڈ، برطانوی ماہرینِ نفسیات کی سوسائیٹی کو یہ بتاہیں کہ موبائل فون کا زیادہ استعمال سے لوگ ذہنی دباؤ کا شکار ہو جاتے ہیں۔

	احتیاطی تدابیر پر عمل کرتے ہوئے موبائل فون کا استمال کم سے کم کرنا چاہیے

اس تھیوری پر زور ایسے بیس موبائل استعمال کرنے والوں پر تحقیق کے بعد دیا گیا ہے جن کا مشاہدہ اس عرصے میں کیا گیا جب وہ موبائل فون کا استعمال کر رہے تھے اور جب انہوں نے اس کا استعمال ترک کر دیا۔

اس تحقیق کے نتائج نے ثابت کیا کہ جب ان لوگوں نے موبائل فون کا استعمال کم کیا تو ان کا بلڈ پریشر بھی پہلے سے کم ہو گیا۔

ڈاکٹر شیفلڈ اپنے بیان میں کہا ہے کہ ان کی تحقیق اس بات سے بھی ظاہر ہے جس طرح موبائل فون کی فروخت میں اضافہ ہوا ہے۔

اس کی انڈسٹری برطانیہ میں تیرہ ارب پاؤنڈ کے برابر ہے اور اگر کالوں کا تناسب نکالا جائے تو ہر تیسری کال موبائل فون سے کی جاتی ہے۔

ڈاکٹر شیفلڈ کا کہنا ہےکہ یہ ہمارے سماجی تعلقات پر بھی بہت حد تک اثر انداز ہوتا ہے۔ اور ان کی تحقیق یہ ثابت کرتی ہے کہ لوگوں کی بڑی تعداد موبائل فون استعمال کرتی ہیں اور اس سے ہماری روز مرہ زندگی متاثر ہوتی ہے۔

یہ وارنگ ایک سال کی اس بحث کے بعد آئی ہے کہ کیا موبائل فون کے استعمال سے آپ کینسر کا شکار ہو سکتے ہیں۔ اس تحقیق کے مختلف نتائج سامنے آئے ہیں لیکن ماہرین کا کہنا ہے کہ احتیاتی تدابیر پر عمل کرتے ہوئے موبائل فون کا استعمال کم سے کم کرنا چاہیے۔