دراڑ کئی جگہوں سے آٹھ میٹر چوڑی ہے

ماہرینِ ارضیات کے مطابق ایک سال پہلے پڑنے والی یہ دراڑ بحرِہ احمر تک پہنچ سکتی ہے اور اس کی وجہ سے ایتھوپیا اور ایریٹیریا کا علاقہ باقی افریقہ سے الگ ہو جائے گا۔

ساٹھ کلومیٹر لمبی یہ دراڑ ستمبر میں آنے والے زلزلے کے بعد پڑی تھی۔

تجزیاتی رپورٹوں کے مطابق یہ دراڑ اتنی تیزی سے بڑھ رہی ہے کہ اس کی مثال پہلے نہیں ملتی۔ اس دارڑ سے زمین کی گہرائی میں ہونے والی تبدیلوں کا مشاہدہ کیا جا سکتا ہے جہاں پر افریقہ کی ٹیکٹانک پلیٹ عرب کی ٹیکٹانک پلیٹ سے دور ہٹ رہی ہے جس کی وجہ سے زمین کی سطح میں کیھچاؤ پیدا ہو رہا ہے اور وہ چوڑی ہو رہی ہے۔

جیسے جیسے دراڑ نمودار ہو رہی ہے ، پھگلا ہوا لاوہ سطح کے نیچے سے اُبل کر باہر آ رہا ہے اور سخت ہو کر سمندرکی سخت سطح میں تبدیل ہو رہا ہے۔

	بین الاقوامی تنظیم دڑار کا جائزہ لے رہی ہے

آکسفورڈ یونیورسٹی کے پروفیسر ڈاکٹر ٹم رائٹ کا کہنا ہے کہ اگر یہ دراڑ اسی طرح بڑھتی گئی تو ہارن آف افریقہ (horn of Africa) آہستہ آہستہ تقریبًا دس لاکھ سالوں میں باقی براعظم سے الگ ہو جائے گا۔انھوں نے کہا کہ ’ہم یہ سمجھتے ہیں کہ اگر یہ عمل جاری رہا تو ایک نیا سمندر آہستہ آہستہ بن جائے گا۔ یہ بحیرہ احمر سے مل جائے گا اور اُس کا پانی اس میں آ جائے گا‘۔

زمین کی پلیٹوں میں یہ تبدیلی بیس لاکھ سالوں کے دورانیے پر مشتمل ہے لیکن مسلسل زلزلوں اور آتش فشاں پہاڑوں کی پھٹنے سے یہ تبدیلی نمودار ہوتی ہے۔

ایک ایسا ہی واقعہ پچھلے ستمبر میں ہوا جس کی وجہ سے پڑنے والی دراڑ ایتھوپیا سے بخیرہ احمر کے جنوبی کنارے تک جاتی ہے۔