فوسٹ ہوائی کے جزائر پر سے گزر چکے ہیں اور اگر وہ زینپر اترنا چاہتے ہیں تو انہیں ابھی بیالیس سو کلومیٹر کا فضائی سفر مزید طے کرنا ہو گا۔

انہوں نے گرینچ کے معیاری وقت کے مطابق بارہ بج کر سینتالیس منٹ پر امریکہ سے اپنی پرواز کا آغاز کیا اور ان کی واپسی جمعرات تک متوقع تھی۔

سٹیو فوسٹ کے گلوبل فلائر نامی طیارے کو اب یہ مسئلہ درپیش ہے کہ اس میں باقی بچ جانے والا ایندھن مہم مکمل کرنے کے لیے ضروری ایندھن سے پندرہ فیصد کم ہے جو طیارے کو کینساس تک واپس لانے کے لیے کافی ہے وہ بھی صرف اس صورت میں اگر ہوا کی سمت موافق ہوئی۔

اس مسئلے کے باعث مہم کا کامیابی سے ہمکنار ہونا خطرے میں پڑ گیا ہے۔

سٹیو فوسٹ نے جمعرات کو ہوائی پہنچنے پرگرینچ کے معیاری وقت کے مطابق تین بجکر تیس منٹ پر مشن کے منتظمین سے سیٹلائٹ فون کے ذریعے رابطہ کیا اور مہم مکمل کرنے کے ارادے کا اظہار کیا۔

سٹیو فوسٹ کا طیارہ ایندھن کے بغیر تین سو بیس کلومیٹر تک ہوا میں تیرنے کی صلاحیت رکھتا ہے۔