انٹرنیٹ کو محفوظ بنانے والا وائرس بھی آگیا
،تصویر کا ذریعہbbc
ایک انٹرنیٹ سکیورٹی فرم کا کہنا ہے کہ انھوں نے ایک فائدے مند وائرس کے ذریعے 10 ہزار سے زائد انٹرنیٹ روٹرز کو سائبر حملوں سے محفوظ کیا ہے۔
سیمنٹیک کا کہنا ہے کہ ان کا ’وائی فاچ‘ پروگرام راوٹرز میں غلطیوں کو سدھار رہا ہے۔
لوگوں کے ڈیٹا یا معلومات حاصل کرنے کے لیے مجرم ان کے زیرِ استعمال راوٹرز کونشانہ بنایا رہے ہیں۔
سیمنٹیک نے جن آلات پر اپنی ’ویکسین‘ لگائی ہے ان کا غلط استعمال اب تک نہیں کیا گیا ہے۔
وائی فاچ سنہ 2014 میں دریافت کیا گیا تھا اور تب سے وہ انٹرنیٹ پر کمزور سافٹ ویئر اور روٹس ڈھونڈ رہا ہے۔
سیمنٹیک نے ایک بلاگ میں لکھا کہ جب وائی فاچ ایک کمزور راوٹر کو ٹھیک کرتا ہے تو وہ اس سے اس سے جڑے ہوئے دیگر آلات کے سافٹ ویئر کو بھی اپڈیٹ کردیتا ہے جس کے بعد وہ سائبر حملوں سے محفوظ رہتے ہیں۔
End of سب سے زیادہ پڑھی جانے والی
اس کے علاوہ سیمنٹیک نے کہا ہے کہ وائی فاچ ان آلات کو بھی ٹھیک کرنے کی کوشش کرتا ہے جو مضر سافٹ ویئر سے متاثر ہوتے ہیں۔ وہ ان آلات کو باقاعدگی سے ری بوٹ کرتا ہے اور ان میں موجود میل ویئر کو ختم کر کے انھیں صاف کرتا ہے۔
یہ سافٹ ویئر راوٹر کے مالک کے لیے اپنے پاس ورڈ بدلنے اور آلات کو کنٹرول کرنے والے سافٹ ویئر کو اپ ڈیٹ کرنے کا پیغام بھی چھوڑتا ہے۔
سیمنٹیک کا کہنا ہے کہ اس کے سافٹ وئیر سے مستفید ہونے والے آلات میں سے ایک تہائی چین اور ایک چوتھائی برازیل اور میکسیکو سے تھے۔
اس کے نیک ارادوں کے باوجود سیمنٹیک اس وائرس کے مقاصد کے بارے میں محتاط ہے۔
سیمنٹیک کے ایک اہلکار ماریو بالانو کا کہنا ہے کہ ’یہ واضح ہونا چاہیے کہ وائی فاچ کے کچھ جنرل فنکشن بھی ہیں جنھیں استعمال کرنے والا ممکنہ طور پر غلط مقاصد کے لیے اسے استعمال کر سکتا ہے۔
