کنٹرول ڈائٹ سے چوہوں کے گردوں کا علاج
،تصویر کا ذریعہBBC World Service
امریکی سائنسدانوں کے مطابق زیادہ چکنائی اور کم کاربوہائیڈریٹس والی خوراک سے ذیابیطس کے شکار چوہوں کے خراب گردوں کو ٹھیک کیا جا سکتا ہے۔
سائنسی روزنامے میں شائع رپورٹ کے مطابق کنٹرول ڈائٹ سے چوہوں کے خون میں بہت زیادہ شوگر کے سبب گردوں کو ہونے والے نقصانات کو ٹھیک کیا جا سکتا ہے۔
برطانیہ میں ذیابیطس سے متعلق ادارے کا کہنا ہے کہ ابھی یہ نہیں کہا جا سکتا کہ آیا انسانی جسم اس طرح کی خوراک برداشت کر سکتا ہے یا نہیں۔برطانیہ میں 28 لاکھ لوگ ٹائپ ون یا پھر ٹائپ ٹو ذیابیطس کا شکار ہیں اور ان میں ہر تیسرے مریض کے گردے شوگر کی وجہ سے متاثر ہوتے ہیں۔
نیویارک میں ہونے والے اس تجربے میں ٹائپ ون اور ٹائپ ٹو شوگر سے متاثرہ چوہوں کو استعمال کیا گیا۔
ان چوہوں میں گردوں کی خرابی پیدا ہونے کے بعد ان میں سے آدھے چوہوں کو آٹھ ہفتوں کے لیے کنٹرول ڈائٹ پر رکھا گیا۔
آٹھ ہفتوں کے بعد سائنسدانوں نے نوٹ کیا کہ چوہوں کے گردے ٹھیک ہو گئے۔
اس ریسرچ کے سربراہ پروفیسر چارلس موبز کا کہنا ہے کہ اس ریسرچ سے یہ تو ثابت ہوتا ہے کہ ذیابیطس سے پیدا ہونے والے مسائل اور نقصانات کو ختم کرنے میں ڈائٹ کتنی ضروری ہے ۔
ان کا کہنا تھا کہ ابھی یہ صرف ایک ریسرچ ہے اور ابھی یہ نہیں کہا جا سکتا کہ انسانوں پر اس ریسرچ کا کیا اثر ہوگا اور شوگر کے مریضوں کو اس سے کس طرح فائدہ ہو سکتا ہے۔
End of سب سے زیادہ پڑھی جانے والی
