انڈیا ہلکی ترین سیٹلائٹ مدار میں بھیج رہا ہے
،تصویر کا ذریعہEPA
- مصنف, پلاوا بگلا
- عہدہ, دہلی
انڈیا نے دعویٰ کیا ہے کہ وہ دنیا کی سب سے ہلکی سیٹلائٹ مدار میں بھیج رہا ہے۔ صرف 1.2 کلوگرام وزنی کلامسیٹ V-2 نامی یہ سیٹلائٹ خلائی تعلیمی ادارے کے طلبہ نے بنائی ہے۔
انڈیا کی خلائی ایجنسی کا کہنا ہے کہ اس کے ذریعے ریڈیو آپریٹروں کی ترقی ہوگی اور 'سکول کے بچوں کو مستقبل کے سائنس دان اور انجنیئر بننے پر مائل کرے گی'۔
انڈین سپیس ریسرچ آرگنائزیشن (آئی ایس آر او) اِس سیٹلائٹ کو اپنے ’شری ہری کوٹا‘ کے خلائی مرکز سے بھیجے گی۔
خلائی مشن کے بارے میں مزید پڑھیے!
آئی ایس آر او کے سربراہ کا کہنا ہے کہ ’کلامسیٹ دنیا کی تاریخ میں سب سے ہلکی سیٹلائٹ ہے جس کو مدار میں بھیجا جا رہا ہے۔‘
End of سب سے زیادہ پڑھی جانے والی
اِس میں ایسی سہولت موجود ہیں جو کہ ہیم ریڈیو ٹرانسمشن کے لیے سیٹلائٹ کا کام کر سکتی ہے۔ ہیم ریڈیو ٹرانسمشن وائرلیس مواصلاتی رابطہ ہے جس کو شوقین لوگ غیر تجارتی سرگرمیوں کے لیے استعمال کرتے ہیں۔
جون 2017 میں امریکہ میں اِنہیں طلبہ نے اِس سے بھی ہلکی 64 گرام کی سیٹلائٹ کو ناسا کے ذریعے مدار سے نیچے اُڑایا۔ اِس طرح کی پرواز تکنیکی اعتبار سے خلا میں تو جاتی ہے پر مدار میں نہیں۔
کلامسیٹ- V2 چنئی کے تعلیمی ادارے سپیس کڈز انڈیا سے تعلق رکھنے والے طلبا نے بنایا ہے۔ اب تک انڈین طلبا کی جانب سے بنائے گئے نو سیارچوں کو خلائی راکٹس میں جگہ ملی ہے۔
