بیورو رپورٹ بی بی سی نیوز

	مقامی علاقوں کے نتائج پولنگ سٹیشنوں کے باہر چسپاں کر دیے گئے ہیں

موومنٹ فار ڈیمو کریسی (ایم ڈی سی) کے ترجمان نے دعویٰ کیا کہ ان کی پارٹی کے رہنما مورگن شھنگرائی نے ساٹھ فیصد ووٹ حاصل کئے ہیں جبکہ رابرٹ موگابے کو تیس فیصد ووٹ ملے ہیں۔سرکاری نتائج میں ابھی تک دونوں جماعتوں کو بارہ پارلیمانی نشستیں ملی ہیں۔

مسٹر تندائی بیتی نے کہا ہے کہ نتائج میں دھاندلی کی جا رہی ہے۔تندائی بیتی کا کہنا ہے کہ ایم سی ڈی نے 128 پارلیمانی نشستوں میں سے 96 نشستیں حاصل کر لی ہیں۔مجموعی طور پر 210 انتخابی حلقے ہیں۔

مشرقی ہرارے میں وزیرِ انصاف پیٹرک چناماسا ہار گئے ہیں۔مقامی علاقوں کے نتائج سوموار کی صبح پولنگ سٹیشنوں کے باہر چسپاں کر دیےگئے ہیں۔

حکمران جماعت زانو پی ایف پارٹی کے برائٹ مٹونگا نے بی بی سی کو بتایا کہ ان کی جماعت پارلیمان میں اپنی اکثریت برقرار رکھے گی اور رابرٹ موگابے دوبارہ منتخب ہوں گے۔

دارالحکومت ہرارے اور دوسرے علاقوں میں پولیس گشت کر رہی ہے اور لوگوں سے گھروں میں رہنے کے لیے کہا گیا ہے۔