ڈیوڈ وِلی بی بی سی نیوز، روم

	روم کے قدیم کلولسیم میں نکالے جانے والے جلوس کی قیادت پوپ نے کی

اس سلسے میں پاپائے روم پوپ بینیڈکٹ دنیا بھر کے مسیحوں کے نام اپنا خصوصی پیغام اتوار کی صبح ایک دعائیہ تقریب میں دیں گے۔

گڈ فرائیڈے کے اجتماعات

ایسٹر حضرت عیسیٰ کو دی جانے والی اذیتوں اور انہیں مصلوب کیے جانے کی یاد میں منایا جاتا ہے۔

جمعہ کی رات شمعیں اٹھائے ہزاروں عام زائرین اور رومن کیتھولک چرچ کی اہم شخصیات نے پوپ کی قیادت میں ایک جلوس نکالا جو دو ہزار سال پرانے کھنڈرات کے پرپیچ راستوں سے گزرا۔

سنیچر کی رات پوپ بینیڈکٹ سینٹ پیٹرز کے چرچ میں ایسٹر کے نصف رات کے اجمتاع میں بھی شریک ہوں گے۔ یہ اجتماع جوں ہی شروع ہوگا چرچ کی تاریکی میں ڈوبی ہوئی اس عظیم الشان عمارت میں ہر طرف یکایک روشنی کر دی جائے گی جو حضرت عیسیٰ کے دوبارہ اٹھا لیے جانے کے وقت کی عکاسی کرے گی۔

	جلوس میں شریک ہزاروں زائرین نے شمعیں اٹھائی ہوئی تھیں

پوپ بینیڈکٹ کچھ ہی دنوں میں اسّی برس کے ہو جائیں گے۔

ان تقریبات کے علاوہ توقع ہے کہ ہزاروں لوگ اتوار کو روم کے مرکز میں ایک جلوس نکالیں گا جس کا مقصد ان بین الاقوامی کوششوں کی حمایت ہے جو کہ دنیا کے کئی ممالک میں سزائے موت کو ختم کرنے کے سلسلے میں کی جا رہی ہیں۔

اگرچہ موت کی سزا زیادہ تر ممالک میں ختم کر دی گئی ہے تاہم دنیا کے چند ممالک میں یہ ابھی تک جاری ہے۔