حماس اور الفتح کی لڑائی میں اب تک دونوں جانب کے متعدد افراد ہلاک ہو چکے ہیں

الفتح اور حماس کے درمیان یہ جھڑپ غزہ میں ہوئی۔ گزشتہ ایک ماہ کے وقفے کے دونوں کے درمیان ہونے والی یہ پہلی جھڑپ ہے۔

ایک ماہ قبل سعدی عرب نے الفتح اور حماس کے درمیان مفاہمت کرنائی تھی اور دونوں ایک مخلوط حکومت بنانے پر آمادہ ہو گئے تھے۔

تاہم اب تک اس مخلوط حکومت کے قیام کا اعلان نہیں ہوا اور توقع کی جا رہی تھی کہ آئندہ چند روز میں یہ اعلان کر دیا جائے گا۔

دونوں گروہوں نے ایک دوسرے پر تشدد شروع کرنے کا الزام لگایا ہے۔

کہا جاتا ہے کہ اس جھڑپ کے دوران پورا علاقے گولیاں چلنے اور گولے داغے جانے کی آوزوں سے گونج اٹھا۔

الفح اور حماس کے درمیان اس سے پہلے کی مسلسل جاری رہنے والی جھڑپوں میں میں دونوں جانب کے متعدد افراد ہلاک ہو چکے ہیں۔