عبدالحئی کا کڑ بی بی سی اردو ڈاٹ کام، پشاور

	قبائلی علاقوں میں طالبان کے اپنے قوانین چلتے ہیں

اطلاعات کے مطابق یہ افراد قبائلی علاقے سے متصل صوبہ سرحد کے شہر بنوں میں جمعرات سے شروع ہونے والی تبلیغی اجتماع سےایک گاڑی چرانے کے بعد فرار ہونے کی کوشش میں تھے کہ مقامی طالبان نے انکو پکڑ لیا۔

عینی شاہدین کے بقول ان افراد کی مونچھیں، بھنویں اور سر کے بال کٹوائے گئے تھے اوران کو پانچ گاڑیوں پر مشتمل ایک قافلے میں گاڑی پر کھڑا کر کے میرعلی بازار میں گھمایا گیا۔

اطلاعات کے مطابق بازار میں گھمانے کے بعد مقامی طالبان مبینہ ڈاکوؤں کو اپنے ساتھ لےگئے جبکہ مقامی انتظامیہ اس موقع پر غیر حاضر تھی۔ یہ معلوم نہیں ہوسکا کہ یہ افراد کون تھے اور انکا تعلق کس علاقے سے تھا۔ سرکاری سطح پراس واقعہ کی تصدیق نہیں ہوسکی۔

شمالی وزیرستان میں مقامی طالبان کا اثر و نفوذ زیادہ ہے۔گزشتہ سال بھی مقامی طالبان نے تقریباً تئیس مبینہ ڈاکوؤں اور چوروں کے سر قلم کیے تھے۔

وزیرستان کے طالبان کی طرز پر افغانستان میں طالبان نے اپنی دور حکومت میں پاکستان کے سرحدی شہر چمن کی فٹ بال ٹیم کے کھلاڑیوں کے سر کے بال کاٹ دیئے تھے۔ فٹ بال ٹیم افغانستان کھیلنے گئی تھی۔