ژِنجیانگ میں اسّی لاکھ مسلمان آباد ہیں۔

پولیس کے مطابق یہ کارروائی جمعہ کے روز کی گئی جس میں ایک پولیس اہلکار ہلاک جبکہ ایک اور زخمی ہوگیا۔

چین کا دعوٰی ہے کہ اس نے علاقے میں اوئغور مسلم اقلیت کے علیحدگی پسندوں کے خلاف مہم شروع کر رکھی ہے۔

چھاپے کا اعلان ایسے وقت میں کیا گیا ہے جب چین نے نوبیل امن انعام کے لیے اوئغور کارکن ربیعہ قدیر کی نامزدگی پر تنقید کی ہے۔

ژِنجیانگ میں امن و امان بحال رکھنے سے متعلق محکمہ کے ایک افسر باس یان کے مطابق مذکورہ کیمپ پاکستان اور افغانستان کی سرحد کے قریب پامیر کی سطح مرتفع پر واقع تھا۔

ان کا کہنا ہے کہ کیمپ ترکمانستان اسلامک موومنٹ کے زیرانتظام چل رہا تھا۔ یہ تنظیم اقوام متحدہ کی دہشتگردی تنظیموں سے متعلق فہرست میں شامل ہے۔

چین کے سرکاری خبر رساں ادارے ژِنہوا کے مطابق سترہ مشتبہ شدت پسندوں کو گرفتار بھی کیا گیا ہے جبکہ کئی افراد کا تعاقب کیا جا رہا ہے۔

ژِنگجیانگ میں ترکمان نسل کے تقریباً اسی لاکھ اوئغور مسلمان آباد ہیں۔