جنرل اگاسٹو پنوشے پر انسانی حقوق کی خلاف وزریوں کے الزامات لگتے رہے ہیں

آگستوپنوشے کافی عرصہ سے بیمار تھے اور پچھلے ہفتے دل کا دورہ پڑنے کے بعد ان کا آپریشن کیا گیا۔

جنرل آگستوپنوشے نے1973 میں چلی کے شوشلسٹ حکمران سیلواڈور آلندے کی حکومت کا تختہ الٹ کر اقتدار پر قابض ہوگئے اور 1990 تک اقتدار پر قابض رہے۔

سینتاگو ہسپتال کے ترجمان کے مطابق جنرل پنوشے دل کے دورے سے صحت یاب نہ وہ سکے اور ان کا انتقال ہو گیا۔

جنرل پنوشے کے دور اقتدار میں ان پر انسانی حقوق کی سنگین خلاف ورزیوں کے الزامات لگتے رہے ہیں۔ کئی انسانی حقوق کے لیے کام کرنے والی تنظمیوں کے کوششوں کے باوجود جنرل پنوشے پر مقدمہ نہیں چلایا جا سکا۔

جنرل پنوشے پر الزام ہے کہ ان کے دور میں تین ہزار سیاسی مخالف لاپتہ ہو گئے اور ان کا کبھی بھی سراغ نہ مل سکا۔