جنرل پینوشے نے 1973 سے لے کر 1990 تک چلی پر حکومت کی۔

قومی ٹی وی پر مسٹر لاگوس کی طرف سے کیا جانے والا یہ اعلان انٹرنیٹ پر اُس سرکاری رپورٹ کی اشاعت کے ساتھ ہی ہوا ہے جس کا بہت عرصے سے انتظار تھا اور جس میں جنرل اگستو پینو شے کی انیس سو تہتر سے لے کر انیس سو نوے تک کی حکومت کے دوران ہونے والے تشدد کے واقعات کی تحقیق کی گئی ہے۔

جنرل پینوشے کا سیاسی سفر 1973: سلواڈور آیندے کی حکومت کا تختہ الٹ کر حکومت پر قابض 1988: اپنی حکمرانی کے بارے میں کرائے گئے ریفرینڈم میں شکست 1990: صدر کے طور پر عہدے سے دستبردار ہوئے 1998: آرمی کمانڈر انچیف کے عہدے سے دستبردار، سپین کی درخواست پر انگلینڈ میں گرفتار 2000: چلی واپس جانے کی اجازت 2004: سپریم کورٹ کی طرف سے قانونی رعایت کا خاتمہ

مسٹر لاگوس نے اپنی تقریر میں کہا کہ اس رپورٹ سے یہ ثابت ہوگیا ہے کہ تشدد کرنا جنرل پینو شے کے دور حکومت میں ریاستی پالیسی کا حصہ تھا۔

اس رپورٹ میں جو، کئی ہزار لوگوں کی گواہیوں پر مبنی ہے، تشدد کی ایسی اٹھارہ بڑی اقسام بتائی گئی ہیں جنہوں جنرل پینوشے کے دور میں استعمال کیا جاتا تھا۔ ان میں دم گھوٹ کر مارنا، بجلی کے جھٹکے دینا اور جنسی زیادتی بھی شامل ہیں۔

رپورٹ کے مطابق سیکورٹی فورسز میں سب سے پسندیدہ تشدد کا طریقہ کار یہ ہوتا تھا کہ گرفتار شدر افراد کو دوسرے قیدیوں پر تشدد ہوتے یا انہیں ہلاک کرتے ہوئے دکھایا جاتا تھا۔

رپورٹ کے مطابق اس دور میں تین ہزار سے زیادہ خواتین اور بارہ سال سے کم عمر کے بچے بھی اس تشدد کا نشانہ بنے۔