تہران کو چاہیے کہ اس سلسلے میں وہ عالمی ادارے سے مزید تعاون کرے:البرادئی

اقوام متحدہ کے ایک اہلکار نے اسے فروری کے بعد سے اب تک ایران کی کی جانے سے کی جانے والی سب سے نمایاں پیش رفت قرار دیا ہے۔

ڈاکٹر البرادئی نے ایران کے اس فیصلے کو مثبت سمت میں ایک قدم قرار دیا ہے۔ تاہم ان کا کہنا ہے کہ تہران کو چاہیے کہ اس سلسلے میں وہ عالمی ادارے سے مزید تعاون کرے۔

آئی اے ای اے کے بورڈ نے ایران کی ایک درخواست پر فیصلہ غیرمعینہ مدت تک کے لیے مؤخر کر دیا تھا جس میں ایران نے طبی مقصد کے لیے ریئکٹر کی تعمیر میں مدد مانگی تھی۔

مغربی ممالک کو خدشہ ہے کہ ایران اپنے جوہری پروگرام کے ذریعے ایٹمی ہتھیار بنانے کی صلاحیت حاصل کرنا چاہتا ہے۔