جاپان میں ماضی میں آنے والی سونامیاں کافی نقصان کا باعث بنتی رہی ہیں

ادارے کے اندازوں کے مطابق رکٹر سکیل پر آٹھ اعشاریہ ایک درجے کے زلزلے کے بعد ابتدا میں توقع کی جارہی تھی اس کے تنیجے میں پیدا ہونے والی سونامی میں دو میٹر اونچی لہریں اٹھیں گی۔

امریکہ کے پیسیفک سونامی وارننگ سسٹم نے روس کے پیسیفک ساحل پر بھی سونامی کی وارننگ جاری کی ہے۔

جاپان میں سونامی کی وارننگ تمام ریڈیو اور ٹی وی سٹیشنوں پر نشر کی جارہی ہے جس میں لوگوں کو اونچے مقامات کی طرف جانے کی ہدایات دی جا رہی ہیں۔

جاپان کے علاقے ایتوروفو کے 390 کلومیٹر مشرق میں مقامی وقت کے مطابق شام کے سوا آٹھ بجے زلزلے کے جھٹکے محسوس کیئے گئے تھے۔

محمکہ ارضیات کا کہنا ہے کہ جاپان کے پیسیفک ساحل پر بڑے درجے کی لہریں اٹھنے کا خدشہ ہے۔

امریکی ادارے کے مطابق وارننگ مارکس، ویک اور مڈوے نامی جزائر کے لیئے بھی جاری کی گئی ہے۔

ابھی تک زلزلے اور سونامی کے باعث کسی کے زخمی یا ہلاک ہونے یا املاک کو نقصان پہنچنے کی اطلاعات نہیں ہیں۔

ٹوکیو میں بی بی سی کے نامہ نگار کرس ہاگ کا کہنا ہے کہ جاپان میں ماضی میں آنے والی سونامیاں کافی نقصان کا باعث بنتی رہی ہیں۔ تاہم اس مرتبہ کی سونامی ماضی کی نسبت زیادہ شدید درجے کی نہیں ہے۔

جاپان جغرافیائی طور پر کرہ ارض کے ایسے حصے پر واقع ہے جہاں دنیا میں سب سے زیادہ زلزلے آتے ہیں یا آسکتے ہیں۔

ان ہی خدشات کے پیش نظر جاپان نے سونامی کی واررنگ جاری کرنے کے لیئے ایک حساس نظام تیار کر رکھا ہے۔

اگر محمکہ ارضیات کے مطابق کسی بھی زلزلے کے جھٹکے سونامی کا باعث بننے کا خدشہ ہو تو ادارہ چند منٹ کے اندر اندر متعلقہ علاقوں میں وارننگ جاری کردیتا ہے۔