یونیورسٹی کا کہنا ہے کہ وہ اپنی مہم جاری رکھے گی

کینیڈا کے علاقےمغربی انتاریو میں لیک ہیڈ یونیورسٹی نے اپنے پوسٹرز اور ویب سائٹ پر امریکی صدر جارج بش کی تصویر اور ایک قابل تنازع فقرے کو چھاپ کر تضاد کو جنم دیا ہے۔

سائٹ کے اس صفحے پر بش کی تصویر کے نیچے لکھا گیا ہے کہ آیوی لیگ یونیورسٹی سے گریجوئیشن کرنے کا مطلب یہ نہیں کہ آپ بہت ہوشیار ہیں۔اس میں مزید لکھا ہے کہ اس وقت بے انتہا یونیورسٹیاں ہیں اور بش کے گرد گھومنے کی ضرورت نہیں ہے۔

اگر آپ اس بات سے متفق ہیں تو اس پہلے صفحے پر ایک لنک دیا گیا ہے جس پر کلک کرنے سے یہ لنک آپ کو یونیورسٹی کی سائٹ پرلے جا تا ہے۔ یہ سائٹ کئی قسم کے انعامات بھی دیتی ہے جیسا کہ کمپیوٹر گیمز۔ یونیورسٹی نے اپنے پوسٹرز پر بھی بش کی بلیک اینڈ وائٹ تصویر لگائی ہے۔

یہ کینیڈین یونیورسٹی تھنڈر بے پر واقع ہے اور سات ہزار چھ سو طالبعلم اس میں زیر تعلیم ہیں۔ لیک ہیڈ سٹوڈنٹس یونین کے صدر نے اسے نا موافق قرار دیا ہے اور کہا ہے کہ یہ توجہ حاصل کرنے کا بہت ہی گھٹیا طریقہ ہے۔مگر صدر نے یہ بھی اقرار کیا ہے کہ کچھ لوگ اس کی حمایت کر رہے ہیں جو قابل فکر ہے۔

جبکہ یونیورسٹی نے اپنی مہم کا دفاع کرتے ہوئے کہا ہے کہ یہ مہم یونیورسٹی کے لیئے بہت پر اثر ثابت ہوئی ہے کیونکہ تقریبا سات ہزار لوگوں نے اس سائٹ کو کھول کر دیکھا ہے اور پچانوے فیصد لوگوں نے اپنے آن لائن بیانات میں اسے مثبت قرار دیا ہے۔

یونیورسٹی کا کہنا ہے کہ وہ اپنی مہم جاری رکھے گی۔