جب لبنان سے شام جانے والی سڑک کو بمباری کی وجہ سے بند کردیا گیا تو لوگوں کو اپنا صفر پیدل کرنا پڑا

منگل کی صبح کو ہونے والے ان حملوں میں لبنان اور شام کے درمیان قاحمس کی سڑک کو نشانہ بنایا گیا۔ یہ شام اور لبنان کے درمیان چار بڑے سرحدی راستوں میں سے ایک ہے اور منگل کو سویرے ہونے والے ان حملوں کے بعد اب سرحد عبور کرنے کے دو راستے بند ہو چکے ہیں۔

پچھلے تین روز میں اسرائیل کے مسلسل حملوں سے بیروت دمشق شاہراہ پہلے ہی بند ہو چکی ہے۔

اسرائیلی حملہ: شام لبنان سرحد بند

اطلاعات کے مطابق شام کی سرحد سے نو میل دور واقع گاؤں حرمل پر بھی فضائی حملے کیے ہیں۔ یہ علاقہ حزب اللہ کا گڑھ سمجھا جاتا ہے۔

شام کے صدر بشر الاسد نے اپنے ملک کی فوج سے کہا ہے کہ وہ خطے کو درپیش چیلنجز کے مد نظر اپنی تیاری پوری رکھیں

شام: فوج کو مکمل تیاری کی ہدایت
ادھر شام کے صدر بشر الاسد نے اپنے ملک کی فوج سے کہا ہے کہ وہ خطے کو درپیش صورت حال کے مد نظر اپنی پوری تیاری رکھیں۔ انہوں نے یہ پیغام فوج کو ملک کے یوم دفاع کے موقع پر بھیجا ہے۔

اب تک شام اس لڑائی سے باہر رہا ہے لیکن پچھلے ہفتے شام کے وزیر اطلاعات نے کہا تھا کہ اگر اسرائیلی فوج لبنان پر بری حملہ کر کے اس کی حدود میں داخل ہوئی تو یہ دمشق کی سلامتی کو خطرہ سمجھا جائے گا اور ان کے ملک کو اس صورت میں کچھ کرنا پڑے گا۔