اختتامِ ہفتہ پر تیس سے زیادہ طالبان جھڑپوں میں مارے گئے ہیں

ایک عینی شاہد نے بتایا کہ بمبار نے ایک سرکاری عمارت کے باہر چیک پوسٹ پر خود کش حملہ کر دیا۔

افغانستان کے جنوبی صوبے ہلمند میں برطانوی فوجیوں اور طالبان کے درمیان شدید جھڑپیں ہو رہی ہیں۔ برطانوی فوجیوں کا کہنا ہے کہ مسلح افراد ایک ہسپتال سے ان پر فائرنگ کر رہے ہیں اور شاید جواب میں انہیں بھی فائرنگ کرنی پڑے۔

گزشتہ کچھ دنوں میں نوزاد میں بھی کچھ افراد ہلاک و زخمی ہوئے ہیں۔

ہلمند میں ایک فوجی بیان میں کہا گیا ہے کہ نوزاد کے ضلع میں برطانوی فوجی پچھلے اٹھارہ روز سے ایک سرکاری احاطے کا دفاع کر رہے ہیں جہاں ان پر مختلف ٹھکانوں سے حملے کیئے جا رہے ہیں۔

دو سو ستائیس کلو کے تین بم گزشتہ ہفتے نوزاد کی منڈی میں دو سو ستائیس کلو کے کم از کم تین بم گرائے گئے تھے اور مقامی افراد کا دعوی ہے کہ اس دوران کافی زیادہ تعداد میں عام لوگ مارے گئے ہیں

ایک ترجمان کا کہنا ہے: ’ہمارے فوجی بڑے صبروتحمل کا مظاہرہ کر رہے ہیں لیکن اب ہمیں جوابی کارروائی کرنی پڑے گی۔‘

فوجی اس بات کی کوشش میں ہیں کہ یہ واضح ہو جائے کہ ہسپتال میں جہاں سے ان پر فائرنگ ہو رہی ہیں، اب بھی مریض ہیں یا نہیں۔

ایک فوجی کے بارے میں بتایا گیا ہے کہ وہ اس فائرنگ کے دوران زخمی ہوا ہے۔

گزشتہ ہفتے نوزاد کی منڈی میں دو سو ستائیس کلو کے کم از کم تین بم گرائے گئے تھے اور مقامی افراد کا دعوی ہے کہ اس دوران کافی زیادہ تعداد میں عام لوگ مارے گئے ہیں۔

برطانوی فوج کے ترجمان کا کہنا ہے کہ فوج نے بڑے موزوں انداز میں طاقت کا استعمال کیا ہے اور ان کے خیال میں مقامی افراد کے دعووں کے برخلاف عام لوگوں کی ہلاکت کا کوئی ثبوت نہیں ہے۔

اس ہفتے کے اختتام پر بالخصوص ہفتے کی رات اتحادی فوج کی کارروائیوں میں تیس سے زیادہ طالبان مارے گئے ہیں۔