عراق میں جاری خودکش حملوں کا سلسلہ انتظامیہ کے لیے ایک چیلنج ہے

سے سے زیادہ لوگ ان دو دھماکوں میں مارے گئے جو عراق کے شمال مشرق میں خانقین میں واقع اہلِ تشیع کی دو مساجد میں ہوئے۔ خانقین میں کرد اور شیعہ رہتے ہیں اور یہ جگہ ایرانی سرحد کے قریب ہے۔

حملے کی وڈیو دیکھنے کے لیے کلک کریں

بغداد حملے کی تصاویر

عراق کے بڑے دھماکے چودہ ستمبر 2005: بغداد میں 182 ہلاک سولہ اگست 2005: نوّے ہلاک اٹھائیس فروری 2005: حلہ میں 114 ہلاک چوبیس جون 2004: پانچ شہروں میں 100 ہلاک دو مارچ 2004: کربلا اور بغداد میں 140 ہلاک یکم فروری 2004: اربل میں 105 ہلاک اٹھائیس اگست 2003: نجف میں 85 ہلاک

دیالہ کی صوبائی کونسل کے رہنما ابراہیم حسن البجلان نے خبر رساں ادارے اے ایف پی کو بتایا کہ ’دو افراد جنہوں نے اپنے جسموں سے دھماکہ خیز مواد باندھ رکھا تھا خانقین کی بڑی اور چھوٹی مسجد میں داخل ہوئے اور انہوں نے اپنے آپ کو دھماکے سے اڑا دیا۔‘

بجلان کا کہنا تھا کہ دھماکوں سے دونوں مسجدیں بری طرح تباہ ہوگئی ہیں اور خدشہ ہے کہ ملبے کے نیچے لوگ دبے ہوئے ہیں۔

اے ایف پی کے اس واقعہ کے بعد سیکورٹی افواج متاثرہ علاقے میں پہنچ گئیں اور وہاں کرفیو نافذ کر دیا گیا ہے۔