کوفی عنان سخت سکیورٹی میں بغداد پہنچے

سنہ 2003 میں صدام حسین کی معزولی کے بعد یہ پہلا موقع ہے کہ کوفی عنان نے عراق کا دورہ کیا ہے۔ انہوں نے اس دورے کے دوران عراقی وزیرِاعظم ابرہیم الجعفری اور عراقی حکومت کے دیگر اراکین سے بھی ملاقات کی۔

عراقی وزیرِ اعظم سے ملاقات کے بعد اقوامِ متحدہ کے سیکرٹری جنرل نے عراق میں افہام و تفہیم اور بحالی امن پر زور دیا۔ اقوامِ متحدہ عرب لیگ کی جانب سے سیاسی ہم آہنگی کے لیے مصر کے دارالحکومت قاہرہ میں بلائی جانے والی کانفرنس کی بھی حمایت کی ہے۔

جنوری میں عراق میں ہونے والے انتخابات کا بائیکاٹ کرنے والی سنّی جماعتوں نے بھی آئندہ ماہ ہونے والے انتخابات میں حصہ لینے کا اعلان کیا ہے۔

ادھر کوفی عنان کی بغداد آمد سے قبل ہونے والے کار بم دھماکے میں چار افراد ہلاک جبکہ انیس زخمی ہو گئے یہ تازہ ترین حملہ نیو بغداد کے علاقے میں ایک شیعہ مسجد میں ہوا۔ عینی شاہدین کے مطابق اس دھماکے سے متعدد دکانوں میں آگ لگ گئی۔

کوفی عنان نے عراق آمد سے قبل امریکی وزیرِ خارجہ کونڈا لیزارائس اور برطانوی وزیرِخارجہ جیک سٹرا بھی حالیہ دنوں میں عراق کا دورہ کر چکے ہیں۔