 |  تیل سے حاصل ہونے والی آمدنی کی تقسیم بھی موضوع بحث بنی ہوئی ہے |
عراق میں شیعہ، سنی اور کرد نئے آئین کے لیے دی گئی مہلت ختم ہونے سے پہلے اتفاق رائے کی کوشش کر رہے ہیں۔ تینوں گروہ اب تک اپنے اختلافات ختم کرنے میں ناکام رہے ہیں۔ عراق میں نئے آئین کے لیے دی گئی مہلت میں پہلے ہی ایک ہفتے کا اضافہ کیا جا چکا ہے۔ عراق کے نئے آئین میں تین اہم نکات جن پر بحث ہو رہی ہے وفاق کی نوعیت، تیل سے حاصل ہونے والی محصولات کی تقسیم اور شیعہ علماء کا کردار شامل ہیں۔ بی بی سی کے ایک نامہ نگار کے مطابق بات چیت میں شریک بہت زیادہ پرامید رہنماؤں کا بھی خیال ہے آئین کے حتمی مسودے میں بھی کچھ سوالات حل طلب رہ جائیں گے۔ آئین پر اتفاق رائے نہ ہونے کی صورت میں حکومت مہلت بڑھانے کے علاوہ موجودہ پارلیمان کو تحلیل کر کے نئے انتخابات کا اعلان بھی کر سکتی ہے۔ | 
یہ صفحہ دوست کو ای میل کیجیئے
پرِنٹ کریں
