وینزویلہ میں کولمبیا کی فضائی کمپنی کا طیارہ 152 مسافروں سمیت ملک کے شمال مغرب میں لاپتہ ہو گیا ہے۔ اطلاعات کے مطابق مغربی کریبین ائرویز کا جہاز پاناما سےمارتا نیک کے جزائر کی سمت جارہا تھا۔ حادثے کی اطلاع ملتے ہی زولیہ ریاست میں امدادی کارکنوں کو جائےحادثہ کی جانب روانہ کردیا گیا ہے۔ وینزویلہ کے ہوابازی کے حکام کا کہنا ہے کہ اس حادثے سے قبل اس جہاز کے پائلٹ نےائرٹریفک کنٹرول کو انجن میں خرابی کی اطلاع دی تھی۔ ایم ڈی ایٹی نامی اس جہاز کا مارتانیک کےعلاقے میں رابطہ منقطع ہوگیا تھا۔ وینزویلہ کے ہوابازی کے حکام کا کہنا ہے جہاز مقامی وقت کے مطابق تین سے تین بج کر پینتالیس کے درمیان زمین پر گرا۔ حکام کا کہنا ہے کہ مقامی لوگوں نے بتایاہے کہ انہوں نے دھماکے کی آواز سنی تھی۔ | 
یہ صفحہ دوست کو ای میل کیجیئے
پرِنٹ کریں
