کیا آرنلڈ شوارزنیگر کا اس کمپنی سے تعلق ان کی سیاسی فیصلوں پر اثر کر سکتا ہے؟

’امریکن میڈیا آپریشنز‘ نامی کمپنی نے بتایا ہے کہ کمپنی گورنر کو اشتہارات سے ملنے والی رقم کا ایک فیصد حصہ دیتی ہے۔ کمپنی کی ان ادائیگیوں کا انکشاف امریکی کمیشن برائے سکیورٹیز اور ایکسچینج میں جمع کرائے گئے کاغذات سے ہوا ہے۔

اندازوں کے مطابق شوازنیگر کو اس کمپنی سے پانچ سال میں تقریباً اسی ملین ڈالر ملے ہونگے۔

گورنر کے دفتر نے ان ادائیگیوں کی تصدیق کر دی ہے تاہم ان کا کہنا ہے کہ شوازنیگر نے کوئی غلط کام نہیں کیا ہے اور وہ اضافی آمدنی کے بارے میں قوانین کے تحت تمام معلومات پہلے ہی فراہم کر چکے ہیں۔

آرنلڈ شوازنیگر سنہ دو ہزار تین میں کیلی فورنیا کے گورنر منتخب ہوئے تھے اور انہوں نے گورنر کی تنخواہ لینے سے انکار کر دیا تھا۔

گورنر کے ترجمان کا کہنا ہے کہ اس عہدے سے گورنر کے لیے مفادات کا کوئی تنازع پیدا نہیں ہوتا۔

تاہم ناقدین کا کہنا ہے کہ کمپنی سے گورنر کے تعلقات سے ان کے عہدے سے متصادم ہیں۔

امریکن میڈیا کمپنی دو ایسے جریدے شائع کرتی ہے جن کا تعلق فٹنس اور باڈی بِلڈنگ سے ہے۔ ان جریدوں میں چھپنے والے بیشتر اشتہارات ان کمپنیوں سے آتے ہیں جو ’ڈائٹری سپلیمنٹس‘ بناتے ہیں اور یوں کمپنی کو بہت بڑی رقم ان ڈائٹری ادویات بنانے والوں سے ملتی ہے۔

امریکن میڈیا کمپنی دو ایسے جریدے شائع کرتی ہے جن کا تعلق فٹنس اور باڈی بِلڈنگ سے ہے۔ ان جریدوں میں چھپنے والے بیشتر اشتہارات ان کمنیوں سے آتے ہیں جو ’ڈائٹری سپلیمنٹس‘ بناتے ہیں اور یوں کمپنی کو بہت بڑی رقم ان ڈائٹری ادویات بنانے والوں سے ملتی ہے۔

کیلی فورنیا سٹیٹ سینیٹ کی ایک ڈیموکریٹ رکن جیکی سپئیر نے یہ بِل پیش کیا تھا اور ان کا کہنا ہے کہ ان نئے انکشافات کے بعد گورنر کو مستعفی ہو جانا چاہیے۔

خبر رساں ادارے ’اے پی‘ سے بات کرتے ہوئے انہوں نے کہا کہ یہ معاملہ گورنر کو مسئلہ لگے یا نہ لگے بہرحال یہ مفادات کا تصادم ہے۔

واشنگٹن میں قائم ایک ادارے ’سینٹر فار ریسپانسیو پالیٹکس‘ کے سربراہ لیری نوبل کا کہنا ہے کہ یہ مفادات کا ایک بالکل واضح تصادم ہے۔

لیری نوبل نے کہا کہ اس سے گورنر شوازنیگر کے فیصلوں اور سمجھداری کے بارے میں شبہ پیدا ہوتا ہے۔

گورنر کے امریکن میڈیا کے ساتھ کنٹریکٹ کے مطابق انہیں کمنی کو ایڈیٹوریل مشورے دینے ہوتے ہیں۔ وہ کمپنی کے دونوں جریدوں کے لیے کالم بھی لکھتے ہیں۔