یہ صفحہ دوست کو ای میل کیجیئے		پرِنٹ کریں

آرنلڈ انتخابات جیتنے کے بعد

امریکی ریاست کیلیفورنیا کے شہریوں نے گورنر گرے ڈویس پر اظہار عدم اعتماد کرتے ہوئے ٹرمینیٹر فلم سیریز سے شہرت کی بلندیوں کو چھونے والے ہالی ووڈ کے فلم سٹار آرنلڈ شوارزنیگر کو ریاست کا نیا گورنر منتخب کر لیا ہے۔

اپنے انتخاب کے بعد شوارزنیگر نے کہا کہ وہ ریاست کے ہر شہری تک پہنچنے کی کوشش کریں گے۔

ریاست کی تاریخ میں پہلی بار کسی گورنر کو عدم اعتماد کی بنیاد پر درمیانی مدت میں ہی اپنے عہدے سے ہاتھ دھونا پڑے ہیں۔

مخالفین نے سابق گورنر پر معیشت کی بدانتظامی کے الزامات عائد کیے تھے۔

گورنر ڈویس نے اپنی شکست تسلیم کرتے ہوئے کہا کہ وہ عوام کے فیصلہ کے سامنے سرتسلیم خم کرتے ہیں۔

اس منصب کے لئے ایک سو تیس امیدوار میدان میں اترے تھے۔

تاہم پچاس فیصد رائے دہندگان نے شوارزنیگر کے حق میں میں اپنا ووٹ دیا۔

ان کا تعلق ریپبلیکن جماعت سے ہے اور انہیں رموز سیاست اور امور ریاست کوئی تجربہ نہیں ہے۔