صفدر ھمٰدانی بی بی سی اردو سروس، لندن

برطانیہ کی ایک ہزار سے زیادہ مساجدمیں پانچ وقت حئی الالفلاح کی صدا گونجتی ہے

اسی تعداد کے تناسب سے مسلمانوں کے مختلف مسالک کی مساجد کی تعداد برطانیہ بھر میں ایک ہزار سے زائد ہونا کوئی ایسی اچنبھے کی بات نہیں ہے۔

برطانیہ میں اولیں مسلمانوں کی آمد اور اسلام کا یہاں فروغ ایک الگ موضوع ہے لیکن یہ بتانا دلچسپی سے خالی نہیں ہو گا کہ برطانیہ میں اسلام کے ڈانڈے

8ویں صدی عیسوی میں برطانیہ کے بادشاہ اوفا نے سونے کا ایک ایسا سکہ بنوایاجس پر کلمہ طیبہ کندہ تھا

انڈیا آفس لائبریری میں تارکین وطن کے قدیم ریکارڈ سے یہ واضع تونہیں ہوتا کہ پہلا مسلمان کب برطانیہ میں آیا لیکن اتنا عیاں ہے کہ نویں اور دسویں صدی کے درمیان یمن کے کچھ مسلمان یہاں مقیم تھے ۔

تحقیق کے مطابق برطانیہ میں سب سے پہلی مسجد ویلز کے شہر کارڈیف میں 1860 میں بنی تھی جس کے اب کوئی آثار موجود نہیں جبکہ ایک اور مسجد 1887 میں ماؤنٹ وارنر سٹریٹ لیورپول میں قائم ہوئی تھی جسکو بعد میں موجودہ رجسٹری آفس کے مقام بروہم پٹرس منتقل کر دیا گیا تھا جہاں 1908 تک یہ مسجد کے طور پر رہی۔

برطانیہ میں سب سے پہلی مسجد ویلز کے شہر کارڈیف میں 1860 میں بنی تھی جبکہ ایک اور مسجد 1887 میں ماؤنٹ وارنر سٹریٹ لیورپول میں قائم ہوئی تھی اورخالصتاً نماز کے لیے بنائی جانے والی پہلی اور قدیم ترین مسجد ووکنگ کی شاہ جہان مسجد1889میں تعمیر ہوئی تھی۔

تحقیق سے پتہ چلتا ہے کہ برطانیہ میں خالصتاً عبادت کے لیے بنائی جانے والی اس پہلی اور قدیم ترین مسجدکا اولیں خیال ہنگری کے دانشور لیٹنر (1840تا1899) کو آیا تھاجس نے پنجاب یونیورسٹی لاہور سے تعلیم حاصل کرنے کے بعد ووکنگ میں رائل ڈرامٹیک کالج کھولا جو 1877 میں بند ہو گیا اور پھر 1889 میں لیٹنر نےیہیں یہ مسجد بنوائی جو بعد میں خستہ حالت ہونے کی وجہ سے بند ہوگئی۔

حکومت نے جب اس مسجد کو بیچنا چاہا تو1912 میں بھارت کے بیرسٹر خواجہ کمال الدین نے برطانیہ آ کر اسکی ملکیت کا مقدمہ جیتا اور مرمت کے بعد اسے نماز کے لیے کھولا گیا اور عبادت کا یہ سلسلہ تا حال جاری ہے۔

ووکنگ کی شاہ جہان مسجد کی 1910 کی ایک نایاب تصویر

برطانیہ میں اسوقت شاید ہی کوئی علاقہ مسجد کے بغیر ہو اور بڑی تعداد میں جن شہروں میں مساجد تعمیر ہوئی ہیں اُن میں لندن کے علاوہ برمنگھم، گلاسگو، بریڈفورڈ،لنکاشائر،شفیلڈ،آکسفورڈ،نوٹنگھم، لیورپول، برسٹل،
ایڈنبرا،سکاٹ لینڈ،ڈبلن،ساؤتھمٹن، لیسٹر ،گلاسٹر اور کئی دیگر شہر شا مل ہیں۔

اغلباً برطانیہ بھر میں سب سے زیادہ 200 کے قریب مساجد لندن اور برمنگھم میں ہیں۔لندن میں یہ مساجد ہانسلو، ساؤتھ آل،ویمبلے،ھیرو،ٹوٹنگ، کرائیڈن، برنٹ، بالھم،ومبلڈن، بارکنگ،فنزبری پارک،والتھم سٹو،فنچلے،شیپرڈبُش،ہالینڈ پارک
الفورڈ اور کئی دیگر علاقوں میں ہیں۔

لند ن کی پہلی مسجد 1880 کے عشرے کے اوائل میں نوٹنگ ہل گیٹ میں بنی تھی جسے دوسری جنگ عظیم میں بند کر دیا گیا تھا لیکن لندن ہی میں ہانسلو اور ساؤتھ آل کی جامع مساجد،سٹوک نیوانگٹن روز کی ترکوں کی قدیم ترین

لند ن کی پہلی مسجد 1880 کے عشرے کے اوائل میں اور ریجنٹ پارک کی جامع مسجد چھ اعشاریہ پانچ ملین پاؤنڈ کی لاگت سے 1977 میں بنی جبکہ مشرقی لندن کی قدیم مسجد کا افتتاح 1985 میں ہوا

اسکی تعمیر کا پہلا خیال 1916 میں اسلام قبول کرنے والے لاڑد ھیڈلے نے پیش کیا تھا اور اسکی منظوری بعد میں 24 اکتوبر 1940 کو وزیر اعظم ونسٹن چرچل نے دی تھی اور زمین خریدنے کے لیے حکومت نے ایک لاکھ پاؤنڈ مختص کیے تھے۔حکومت کی طرف سے اس عطیے کا مقصد سلطنت برطانیہ کے لیے جان دینے والے مسلمانوں کو خراجِ عقیدت پیش کرنا تھا۔

1944 میں ڈھائی ایکڑ پر بننے والے ریجنٹ پارک کے اس اسلامی مرکز کا افتتاح شاہ جارج ششم نے کیا جس کے بعد 1974 کے اوائل میں مسجد اور لائبریری کی تعمیر شروع ہو کر 1977 میں مکمل ہوئی اور پھر 1994 میں اسمیں تعلیمی اور انتظامی شعبے شامل ہوئے۔

برطانیہ سے باہر ریجنٹ پارک کی مسجد یہاں کے مسلمانوں کی شناخت

برطانیہ میں ایک اور معروف مسجد مشرقی لندن میں وائٹ چیپل روڈ پر واقع ہے جسکا موجودہ صورت میں افتتاح 12 جولائی 1985 میں ہوا تھا اور اسکے دو بڑے ہال کمروں میں بیک وقت تین ہزار سے زیادہ لوگ نماز پڑھ سکتے ہیں۔ یہ شاید برطانیہ کی واحد مسجد ہے جہاں سے اذان لاؤڈ سپیکر پر دی جاتی ہے۔

اسکی اولیں صورت 1910 میں اسوقت سامنے آئی تھی جب یہاں کے لوگوں نے کرائے کے ایک کمرے میں نماز کا اہتمام کیا اور بعد میں لوگوں کے چندے سے1940 میں کمرشل روڈ پر تین گھر خرید کر انہیں مسجد میں تبدیل کیا گیا جسکا افتتاح 1941 میں حسین سہروردی نے کیا۔

مشرقی لندن کی یہ مسجد یورپ کی واحد مسجد ہے جہاں اذان لاؤڈ اسپیکر پر ہوتی ہے

1975 میں گریٹر لندن کونسل نے لازمی ایکٹ کے تحت یہ جگہ لے لی اور نماز کے لیے عارضی جگہ دی اور بعد میں وائٹ چیپل روڈ پر متبادل جگہ فراہم کی جس مقام پر 1985 میں موجودہ مسجد کی تعمیر مکمل ہوئی۔

برطانیہ میں لندن کے بعد سب سے زیادہ مساجد لنکاشائر اور برمنگھم میں ہیں۔لنکا شائر میں زیادہ مساجد برنلے،پرسٹن اور بلیک پول میں ہیں جبکہ سب سے زیادہ 35 مساجد بلیک برن کے علاقے میں ہیں۔

مڈلینڈ کے علاقے میں بڑی چھوٹی کم و بیش دو سو مساجدبرمنگھم میں ہیں جن میں برمنگھم کی قدیم مرکزی مسجد کے علاوہ مسجدِ نور،مدینہ مسجد،صدام مسجد۔حمزہ مسجد اور گھمگول شریف کی مساجد زیادہ نمایاں ہیں۔

برمنگھم کی مرکزی مسجد ترکی کے بعد رقبے میں یورپ کی سب سے بڑی مسجد بتائی جاتی ہے جس میں بیک وقت5 ہزار سے 6 ہزار تک لوگ نماز ادا کر سکتے ہیں۔اسکی تعمیر کے لیے عطیات جمع کرنے کاکام ساٹھ کے عشرے میں شروع ہوا تھا اور 1975 میں باقاعدہ طور پر اسے نمازیوں کے لیے کھول دیا گیا۔اس مسجد کی تعمیر کی ایک نہایت اہم بات یہ ہے کہ اسکی تعمیر کے لیے مسلمانوں کے ساتھ ساتھ غیر مسلم افراد نے بھی دل کھول کر عطیات دیے تھے۔

برمنگھم کی جامع مسجد جو رقبے کے لحاظ سے ترکی کے بعدیورپ کی سب سے بڑی مسجد بتائی جاتی ہے

برطانیہ بھر میں ایک ہزار سے زائد مساجدمیں لگ بھگ تمام مسالک کی مساجد شامل ہیں جن میں لندن میں نارتھ اولٹ کے علاقے میں لاکھوں پاؤنڈ کی لاگت سے تعمیر ہونے والی داؤدی بوہرہ مسلک کی یورپ کی سب سے بڑی مسجد بھی شامل ہے جس کا افتتاح 1996 میں شہزادہ چارلس نے کیا تھا۔

اس سب کے باوجود کہ برطانیہ بھر میں اتنی بڑی تعداد میں مساجد موجود ہیں لیکن تحقیقی کام کرنے والے افراد کے لیے اعداد وشمار اور مصدقہ معلومات فراہم کرنے کا کوئی مرکزی ادارہ یا تنظیم فعال طور پر مصروف عمل نہیں ہے۔