’یہ فیصلہ انصاف کی سمت پہلا اہم قدم ہے‘

فلیڈلفیا نامی علاقے میں جیوری نے80 سال کے اس شخص کو انسانی حقوق کے تین کارکنوں کے قاتلوں کو اکھٹا کرنے یا بھرتی کرنے کا ذمہ دار ٹہرایا ہے۔

اس عدالتی فیصلے کے بارے میں فلیڈلفیا کے واحد سیاہ فام کانگریس رکن بینی تھامپسن کا کہنا تھا ’ آخرکار انصاف مل ہی گیا‘۔

اس واقعہ میں مارے جانے والوں میں سے ایک مائیکل شیورنر کی بیوہ نے کہا’ یہ فیصلہ انصاف کی سمت پہلا اہم قدم ہے‘۔تاہم انہوں نے سوال کیا کہ جیوری نے ملزم کو قاتل تسلیم کیوں نہیں کیا۔

انہوں نے مزید کہا کہ مِسیسپی کی حکومت اس طرح کے تمام جرائم میں شریک تھی اور اس سلسلے میں مزید تحقیقات کی جانی چاہئے۔

ڈسٹرکٹ اٹارنی مارک ڈنکن نے 1988 میں بننے والی ایلن پارکر کی فلم ’مسسپی برننگ‘ کا حولہ دیتے ہوئے کہا کہ اب ہمیں اس رنگ میں نہیں دیکھا جائے گا جس میں ہالی ووڈ کی فلم میں دکھایا گیا تھا۔اس فلم میں قاتلوں کو کیفر کردار تک پہنچانے کی جدو جہد دکھائی گئی تھی۔

مسسپی میں جیوری نے کلن کے خلاف قتل کے الزامات کو مسترد کر دیا لیکن ان تینوں کو مارنے کے لئے لوگوں کو بھرتی کرنے کا ذمہ دار ٹہرایا ہے۔

41 سال تک انصاف کا انتظار

جیسے ہی انہیں عدالت سے باہر لیجایا گیاانہوں نے دو مائیکروفون اور ایک ٹی وی کیمرے کو ٹھوکر ماری۔

کلن کو اب 20 برس جیل کی قید کا سامنا ہے۔

انہوں نے 24 سالہ مائیکل شیورنر ، 21 سالہ چینی، اور 20 سالہ اینڈی گڈ مین کی ہلاکت میں ملوث ہونے سے انکار کیا ہے۔

جس وقت عدالت میں یہ فیصلہ پڑھ کر سنایا جا رہا تھا تو ان کا چہرہ جذبات سے عاری تھا۔

یہ تینوں کارکن جن میں دو سفید فام اور ان کا ایک مقامی سیاہ فام ساتھی تھا اس وقت مارے گئے جب وہ سیاہ فام ووٹروں کے رجسٹریشن کے حق میں مہم چلا رہے تھے۔

فیصلہ سنائے جاتے وقت کلن کا چہرہ جذبات سے عاری تھا

ان کے ساتھ بری طرح مارپیٹ کی گئی اور ان کی لاشیں گولیوں سے چھلنی تھیں۔ انہیں وہیں دفن کر دیا گیا ۔

44 دن بعد ان کی لاشیں برامد کی گئیں۔