پوتن پر اختیارات کے ارتقاز کا الزام ہے

صدر پوتن کا سالانہ پارلیمنٹ سے خطاب روسی ٹیلی ویژن پر براہ راست نشر کیا گیا۔

انہوں نے انیس سو اکانونے میں سویت یونین کے ٹوٹنے کو ایک حقیقی زندگی کا ایک’ڈرامہ‘ قرار دیا جس میں کروڑوں روسیوں کو روس سے باہر کر دیا۔

انہوں نے روس کی ایک جہوری اور آزاد ملک کی حیثیت سے ترقی پر زور دیا۔ تاہم انہوں نے کہا کہ جمہوریت کی طرف سفر کی رفتار اور اس کی شرائط کے بارے میں روس کو اپنے طور پر فیصلہ کرنا ہوگا۔

انہوں نے کہا کہ روس ایک آزاد اور خودمختار ملک ہے اور عالمی سطح پر ہمارا کردار ہماری ترقی اور ہمارا داخلی استحکام ہی طے کرے گا۔

پوتن کے ناقدین کا کہنا ہے کہ پوتن نے گورنروں سے اختیارات لے کر انہیں کریملن میں جمع کر لیا ہے۔

پوتن نے بیرونی ممالک میں بسنے والے روسیوں سے اپیل کی کہ وہ زیادہ سے زیادہ زرمبادلہ روس بھیج کر روس کی اقتصادی ترقی میں کردار ادا کریں۔