 |  افغانستان میں اس سال شدید برف باری ہوئی ہے |
افغانستان میں حکام کے مطابق ملک کے جنوبی اور مغربی علاقوں میں آنے والے شدید سیلاب سے کم از کم 220 افراد ہلاک اور ہزاروں کی تعداد میں بے گھر ہو گئے ہیں۔ سیلاب سے متاثرہ ہونے والے ایک صوبے فرح میں پولیس حکام کا کہنا ہے کہ سیلاب سے ہونی والی تباہی کا ابھی تک صحیح اندازہ نہیں لگایا جا سکا۔ اطلاعات کے مطابق سیلاب کی وجہ سے وسیع پیمانے پر نقصان ہوا ہے بہت سے جانور اس میں بہہ گئے ہیں اور کئی دیہات میں باغات اور کھیتوں کو نقصان ہوا ہے۔ حکام کے مطابق سیلاب حالیہ بارشوں کی وجہ سے آئے۔ افغانستان میں سال کے ان مہینوں میں پہاڑوں پر برف پگھلنے کی وجہ سے دریاؤں میں پانی کی سطح معمول سے زیادہ ہوتی ہے۔ افغانستان کی وزارتِ داخلہ کے ترجمان لطف اللہ مشال کے مطابق اکیس افراد فرح صوبے میں ہلاک ہوئے جبکہ غور کے صوبے میں تین افراد ڈوب گئے۔ انہوں نے بتایا کہ ارذگان کے صوبے میں چھ سو گھر پانی کے ریلے میں بہہ گئے۔ اس سال افغانستان میں سات برس کی حشک سالی کے بعد شدید برفباری ہوئی ہے۔ | 
یہ صفحہ دوست کو ای میل کیجیئے
پرِنٹ کریں
