صدر خاتمی ایرانی مجلس کے ارکان کے ساتھ

انہوں نے ایک بار پھر اس بات کو دہرایا کہ ایران جوہری ہتھیار نہیں بنارہا۔تاہم جوہری ٹیکنالوجی کے بنیادی حق کے حصول کے لئے کوئی بھی قیمت ادا کرنے کو تیار ہے۔

جمعرات کو ایران نے پیرس میں یورپ کے تین ملکوں سے اس سلسلے میں مذاکرات کیے تھے تاہم ان ملکوں نے یہ بتانے سے انکار کردیا تھا کہ اس بات چیت میں ایران سے جوہری پروگرام کے بارے میں کیا بات ہوئی ہے۔

فرانس، برطانیہ اور جرمنی نے صرف یہ کہا ہے کہ ایران سے مراسم کے جاری عمل کے تحت یہ بات چیت ہوئی تھی۔
گزشتہ سال یورپی یونین نے ایرانی حکومت سے ایک مبینہ مشروط سمجھوتہ طے کیا تھا کہ وہ یورینیم کو افزودہ کرنے کا پروگرام بند کردے۔

ایران نے یہ بات مان لی تھی کہ وہ پرامن جوہری ٹیکنالوجی مہیا کیے جانے کی صورت میں میں ایٹمی پروگرام بند کر دے گا لیکن پھر یہ الزامات لگنے شروع ہوگئے کہ ایران اس سمجھوتے پر عمل نہیں کررہا ہے جب کہ ایران کا کہنا تھا کہ کہ یورپی ملکوں نے اپنا وعدہ پورا نہیں کیا ہے۔